IBAN

in Wikipedia, die vrye ensiklopedie
Spring na: navigasie, soek
Aanneming van IBAN (soos op 1 Januarie 2014) ██ IBAN struktuur gedefinieer ██ IBAN struktuur is met SWIFT geregistreer ██ Land is 'n gedeelte van SEPA ██ Land gebruik die Euro

Die IBAN is 'n afkorting vir International Bank Account Number. Die konsep van die IBAN het vanuit die Europese Unie gekom om handel tussen verskeie lande te vergemaklik.[1] Die IBAN word tans deur meer as sestig lande gebruik. Die meeste van die lande is in Europa en die Midde-Ooste, maar sluit ook, onder andere, Brasilië en Pakistan in. Die IBAN is amptelik deur ISO 13616:1997 gedefinieer. Sedert 2014 is die IBAN die enigste bankrekeningnommer wat gebruik mag word vir alle euro bank-handelings in die EU.[2]

IBAN-formaat[wysig | wysig bron]

Die presiese formaat van die IBAN is nie dieselfde in elke land nie. 'n Land wat gebruik wil maak van die IBAN vir internasionale doeleindes moet hul formaat met SWIFT (Society for Worldwide Interbank Financial Telecommunication) registreer. Die formaat van die IBAN is:

  • Tekens 1-2: Landkode volgens ISO 3166-1
  • Tekens 3-4: Mod-97 Kontrolesom.
  • BBAN (Basic Bank Account Number) wat die bankkode, rekeningnommer en soms andere inligting by soos, byvoorbeeld die bank se BIC (Business Identifier Codes) insluit. Die formaat en aantal tekens in die BBAN verskil van land tot land.

Wanneer 'n IBAN geskryf of gedruk is, is dit die gewoonte om 'n spasie na elke vierde teken in te voeg. Hierdie spasies is nie in die elektroniese vorm nodig nie.

Tipiese IBAN-formate word hieronder aangegee. In die kolom "BBAN-formaat", dui die letter "n" 'n syfer aan, die letter "a" 'n hoofletter en die letter "c" óf 'n hoofletter óf 'n syfer aan:[3]

Land Tekens BBAN-formaat IBAN-velde Opmerking
Frankryk 27 10n,11c,2n FRkk bbbb bggg ggcc cccc cccc cxx b = Nasionale bankkode
g = Takkode (fr:code guichet)
c = Rekeningnommer
x = Nationale kontrolesyfers (fr:clé RIB)
Duitsland 22 18n DEkk bbbb bbbb cccc cccc cc b = Bank- en takkode (de:Bankleitzahl of BLZ)
c = Rekeningnommer
Nederland 18 4a,10n NLkk bbbb cccc cccc cc b = BIC-bankkode
c = Rekeningnommer
Verenigde Koninkryk 22 4a,14n GBkk bbbb ssss sscc cccc cc b = BIC-bankkode
s = Bank- en takkode (en:sort code)
c = Rekeningnommer

Kontroleer van 'n IBAN[wysig | wysig bron]

Tipiese opskrif van 'n Britse bankstaat (l.w., Wessex Bank is 'n fiktiewe bank). Die IBAN word deur die rooi pyl aangedui.

Die IBAN gebruik 'n modulo-97-kontrole (ISO 7064) algoritme om die kontrolesom te bereken. Die kontroleer-toets sorg dat as 'n mens 'n fout begaan wanneer hulle 'n IBAN afskryf, is dit blykbaar dat die fout gestrik sal wees. Dus kan 'n mens die IBAN van 'n ontvanger op sy eie rekenaar kontroleer voordat hy 'n elektroniese handeling maak.

Die algoritme lui dus:[4]

  1. Bewys dat die tekens in die IBAN-tekenketting die regte formaat het. Die formaat is hang af van die land waar die IBAN vandaan kom en word deur die eerste twee tekens aangedui.
  2. Skuif die eerste vier tekens in die IBAN-tekenketting na die einde van die tekenketting.
  3. Verplaas elke letterteken in die tekenketting met twee syfertekens. Die teken "A" word met "10" verplaas, die teken "B" met "11" en so voorts.
  4. Omset hierdie tekenketting as 'n heeltal. Bereken die restant wanneer die nommer deur 97 gedeel is. (Dit is nie nodig om die kwosiënt te bereken nie[5]).
  5. As die restant "1" is, is dit blykbaar dat die IBAN geldig is.

Voorbeeld (fiktiewe Britse bank: Landkode = "GB", kontrolesom = "82", BIC takkode = "WEST", takkode (sort code) "12-34-56", rekeningnommer = "98765432"):

• IBAN: GB82 WEST 1234 5698 7654 32
• Tekenverplasing: W E S T12345698765432 G B82
• Syferverplasing: 3214282912345698765432161182 ("A"=> "10", "B" => "11" … "W" => "32" …)
• Restant bereken: 3214282912345698765432161182 mod 97 = 1

Bronne[wysig | wysig bron]

  1. (en) (Desember 2000) “IBAN Standard Implementation Guidelines – SIG203 V4”. Besoek op 3 Augustus 2014.
  2. (nl) "Over op IBAN". Betaalvereniging Nederland. 2014. Verkry op 6 Augustus 2014. 
  3. (en) "IBAN registry – This registry provides detailed information about all ISO 13616-compliant national IBAN formats – Release 73". SWIFT. Januarie 2017. Verkry op 27 Desember 2016. 
  4. (en) "IBAN: International Bank Account Number" (PDF). EBS204 V3.2. European Committee for Banking Standards. Augustus 2003. Verkry op 5 Augustus 2014. 
  5. (en) "Standard 48 – Format of the IBAN issued in the UK (International Bank Account Number)" (PDF). UK Payments Administration. Junie 2007. p. 15. Verkry op 3 Augustus 2014.