Igor I van Kiëf

in Wikipedia, die vrye ensiklopedie
Spring na: navigasie, soek
Igor
Grootprins van Kiëf
Vorstehuis Rjoerik
Regeer 912 - 945
Bynaam Igor die Oue
Voorganger Oleg
Opvolger Olga
Eggenote Olga
Kinders O.a. Swjatoslaf
Vader Rjoerik?
{{{Voetnotas}}}
Bootgraf van Igor die Oue in 945, Heinrich Semiradski


Igor (Russies: Игорь; Oudnoors: Ingvar), ook Igor die Oue genoem, was ’n Warangiër-prins wat tussen 912 en 945 oor Kiëf-Roes regeer het. Hy word in die Russiese Primêre Kronieke genoem en is een van die eerste leiers van dié ryk wat vir seker bestaan het en nie ’n legendariese figuur was nie. Daar is egter onenigheid oor of hy die seun van Rjoerik was.

Bewind[wysig]

Igor onderwerp die Slawiese Drewljanen-stam ná ’n stryd in 914 en laat hulle belasting betaal. Die jaar daarna sluit hy vrede met die magtige Petsjenegen-stam, maar raak in 920 opnuut in ’n oorlog met hulle gewikkel.

Hy beleër Konstantinopel twee keer; in 941 en in 944. In 941 trek Igor met ’n groot vloot op na die stad, waarna die Kiëfse leër die gebied om die stad verwoes. Die Bisantynse leër val Igor se soldate egter met Griekse vuur aan, waarop Igor terugtrek. Die Bisantynse keiser hef hierna waarskynlik die gunstige handelsverdrag met Kiëf-Roes op. In 944 ruk Igor opnuut op na die stad om die handelsverdrag weer aan die Bisantyne op te dwing. Laasgenoemde stuur ’n afvaardiging wat die verdrag hernu, maar die bepalings daarvan is minder positief vir die handelaars van Kiëf-Roes. Die teks van die verdrag word genoem in die Primêre Kronieke. Deur dié verdrag word die Kiëfse ryk oopgestel vir christelike invloede.

Dood[wysig]

Igor word vermoor terwyl hy in 945 belasting van die Drewljanen-stam insamel. Sy dood word gewreek deur sy vrou, Olga. Volgens die Primêre Kronieke is Igor se dood aan sy geldgierigheid te wyte, aangesien hy die tweede keer in een maand belasting ingesamel het. Wat wel seker is, is dat Igor die belasting wou verhoog en vermoor is in ’n veldtog teen die Drewljanen. Sy seun Swjatoslaf word by sy dood nie dadelik die nuwe heerser nie aangesien sy ma, Olga, eers regent word namens hom.

Verwysings[wysig]

Hierdie artikel is merendeels vertaal vanaf die Nederlandse Wikipedia-artikel [1]
Grootprinse en tsare van die Rjoerik-dinastie
Grootprinse Rjoerik · Oleg · Igor I · Olga · Swjatoslaf I · Jaropolk I · Wladimir I die Grote · Swjatopolk I · Jaroslaf I die Wyse · Isjaslaf I · Swjatoslaf II · Wsewolod I · Swjatopolk II · Wladimir Monomach · Mstislaf I · Jaropolk II · Wsewolod II · Igor II · Isjaslaf II · Joeri I Dolgoroeki · Andrei Bogoljoebski · Michail van Wladimir · Wsewolod die Groot Nes · Konstantyn · Joeri II · Jaroslaf II · Swjatoslaf III · Andrei II · Aleksander Nefski · Jaroslaf III van Twer · Wasili · Dmitri I · Andrei III · Michail · Joeri III · Dmitri II · Aleksander · Iwan I · Semjon die Trotse · Iwan II · Dmitri Donskoi · Wasili I · Wasili II · Iwan III die Grote · Wasili III
Tsare Iwan IV die Verskriklike · Fjodor I