Isjaslaf II van Kiëf

in Wikipedia, die vrye ensiklopedie
Isjaslaf II
Grootprins van Kiëf
Isjaslaf II van Kiëf bied sy oom Slava vrede en vriendskap aan.
Isjaslaf II van Kiëf bied sy oom Slava vrede en vriendskap aan.
Periode 1146–1154
Voorganger Igor II
Opvolger Joeri Dolgoroeki
Huis Rjoerik
Vader Mstislaf I
Gebore 1097
Oorlede 1154

Isjaslaf II (Russies: Изяслав II Мстиславич; omstreeks 1097–1154) het van 1146 tot 1154 as grootprins oor Kiëf-Roes regeer. Voor dit was hy grootprins van Wladimir en Wolin (1134–1142) en van Perejaslaf (1143–1145). Hy was die oudste seun van Mstislaf I, grootprins van Nowgorod en Kiëf.

Wsewolod II het sy broer Igor as sy opvolger gekies en sy onderdane laat belowe hulle sal Igor as hul heerser aanvaar. Igor en sy familie was agter ongewild en daar was teenkanting teen sy troonopvolging. Hy was glo oneerlik, gierig, agterbaks en gewelddadig. Hy het minder as twee weke regeer toe die inwoners van Kiëf Isjaslaf nooi om hul prins te wees. Isjaslaf het sy belofte verbreek om nooit die mag te probeer oorneem nie en het Igor en sy broer Swjatoslaf aangeval en verslaan.

Sy eerste vrou was Agnes, dogter van Konrad III van Duitsland. Hulle kinders was:

  1. Mstislaf II
  2. Jaroslaf II
  3. Jaropolk, Prins van Sjoemsk
  4. Eudoksia

Isjaslaf se tweede vrou was Roesoedan, dogter van koning Demetre I van Georgië, maar hulle was net vir ’n paar maande in 1154 getroud voor hy dood is.

Bronne[wysig | wysig bron]