Wasili I van Moskou

in Wikipedia, die vrye ensiklopedie
Spring na: navigasie, soek
Wasili I
Grootprins van Moskou
Vasili I of Russia.jpg
Periode 1389-1425
Voorganger Dmitri Donskoi
Opvolger Wasili II van Moskou
Huis Rjoerik
Vader Dmitri Donskoi
Gebore 30 Desember 1371
Oorlede 27 Februarie 1425
Eggenote Sofia van Litaue

Wasili I (Russies: Василий I Дмитриевич; 30 Desember 137127 Februarie 1425) was sedert 1389 die grootprins van Moskou. Hy was die oudste seun van Dmitri Donskoi. Dmitri was die eerste grootprins wat sy titels aan sy seun nagelaat het sonder om eers die khan van die Goue Horde te raadpleeg.

Bewind[wysig]

Wasili het die vereniging van die Russiese gebiede voortgesit: In 1392 het hy Nizjni Nowgorod en Moerom geannekseer; in 1397-1398 Kaloega, Wologda, Weliki Oestjoeg en Komi.

Om te keer dat die Goue Horde Rusland binneval, het Wasili in 1392 ’n militêre bondgenootskap met Litaue aangegaan en met Sofia van Litaue, die enigste dogter van Vytautas die Grote, getrou. Die bondgenootskap sou later swakkerig blyk te wees, aangesien Vytautas Wjazma en Smolensk in 1403–1404 geannekseer het.

In 1395 het Timur van Sentraal-Asië Rusland binnegeval en die gebiede om die Wolga verwoes, maar hy het nie so ver as Moskou gevorder nie. Dit was eintlik tot voordeel van Wasili, aangesien dit die Goue Horde skade berokken het – laasegnoemde was die volgende 12 jaar in ’n chaos. In dié tyd is geen belasting aan die Horde betaal nie, hoewel Moskou groot bedrae bymekaargemaak het vir militêre doeleindes. In 1412 moes Wasili egter weer sy knie voor die Horde buig.

Huwelik en kinders[wysig]

Wasili was getroud met Sofia, die enigste dogter van Vytautas die Grote van Litaue. Hulle het minstens nege kinders gehad, onder wie Wasili II van Moskou.

Eksterne skakels[wysig]

Commons-logo.svg
Wikimedia Commons het meer media verwant aan:


Crystal txt.png

Hierdie artikel is vertaal vanuit die Engelse Wikipedia

Grootprinse en tsare van die Rjoerik-dinastie
Grootprinse Rjoerik · Oleg · Igor I · Olga · Swjatoslaf I · Jaropolk I · Wladimir I die Grote · Swjatopolk I · Jaroslaf I die Wyse · Isjaslaf I · Swjatoslaf II · Wsewolod I · Swjatopolk II · Wladimir Monomach · Mstislaf I · Jaropolk II · Wsewolod II · Igor II · Isjaslaf II · Joeri I Dolgoroeki · Andrei Bogoljoebski · Michail van Wladimir · Wsewolod die Groot Nes · Konstantyn · Joeri II · Jaroslaf II · Swjatoslaf III · Andrei II · Aleksander Nefski · Jaroslaf III van Twer · Wasili · Dmitri I · Andrei III · Michail · Joeri III · Dmitri II · Aleksander · Iwan I · Semjon die Trotse · Iwan II · Dmitri Donskoi · Wasili I · Wasili II · Iwan III die Grote · Wasili III
Tsare Iwan IV die Verskriklike · Fjodor I