Jacob Roggeveen

in Wikipedia, die vrye ensiklopedie
Jump to navigation Jump to search
Roggeveen se reisplan.

Jacob Roggeveen (1 Februarie 165931 Januarie 1729) was ’n Nederlandse ontdekkingsreisiger wat gestuur is om Terra Australis te vind, maar in plaas daarvan het hy Paaseiland ontdek (wat so genoem is omdat hy op Paassondag daar geland het). Roggeveen het ook op die eilande Bora Bora en Maupiti van die Geselskapseilande afgekom, asook op Samoa. Hy het die ekspedisie saam met sy broer, Jan Roggeveen, beplan wat in Nederland agtergebly het.[1]

Ontdekkingsreise[wysig | wysig bron]

Roggeveen en sy ekspedisie het op 1 Augustus 1721 in diens van die Nederlandse Wes-Indiese Kompanjie vertrek op soek na Terra Australis. Daar was drie skepe, die Arend, Thienhoven en Afrikaansche Galey, en 223 bemanningslede.

Hulle het eers na die Falkland-eilande gereis, wat hy hernoem het na "Belgia Australis", en van daar na die Stille Oseaan gevaar. Hy het die Juan Fernández-eilande, aangedoen, waar hy van 24 Februarie tot 17 Maart gebly het. Op Paassondag (5 April) 1722 het hy op Paaseiland aangekom.[2] Hierna het hy na Batavia gevaar en die Tuamotu-argipel, die Geselskapseilande en Samoa aangedoen. Daar is hy in hegtenis geneem omdat hy die monopolie van die Nederlandse Oos-Indiese Kompanjie oortree het, maar die kompanjie moes hom later vrylaat, vergoed en sy bemanning betaal. In 1723 het Roggeveen na Nederland teruggekeer.

Ná sy terugkeer het hy deel 4 van De val van 's werelds afgod gepubliseer.

Verwysings[wysig | wysig bron]

  1. "Jacob Roggeveen". Libweb5.princeton.edu. Besoek op 18 Oktober 2012. 
  2. "Chauvet - Easter Island". Chauvet-translation.com. Besoek op 18 Oktober 2012. 

Bronne[wysig | wysig bron]

Eksterne skakels[wysig | wysig bron]