Johannes Neethling (regter)
- Hierdie artikel handel oor die regter en vrymesselaar. Vir die predikant sien J.H. Neethling
Johannes Henoch Neethling (1770-1838) was 'n Suid-Afrikaanse Hooggeregshofregter in die Kaap en Grootmeester van die Vrymesselaars in Suid-Afrika.
Vroeë lewe[wysig | wysig bron]
Neethling is gebore op 1 Augustus 1770 in Suid-Afrika. Hy is die seun van Christiaan Ludolph Neethling en Maria Magdalena Neethling Storm. Hy het met Anna Catharina Smuts getrou, die dogter van Johannes Coenraad Smuts en Magdalena Elizabeth Wernich. Sy broer se kleinseun is na hom vernoem. Die kleinseun, J.H. Neethling, was 'n predikant in die NG Kerk en stigter van die Paul Roos Gimnasium.[1] Sy skool opleiding was in Nederland omdat sy vader hom daarheen gestuur het vir 'n Christelike opleiding. Hy het in 1791 'n PhD in die regte verwerf by Universiteit van Leiden.[2]
Loopbaan in die regte[wysig | wysig bron]
Hy het as advokaat gepraktiseer.[3] Neethling was 'n regter, eerstens van die Hof van Justisie in 1825. Richard Plasket, die Kaapse Koloniale Sekretaris in 1825, was nie tevrede met die bestaande hof nie. 'n Kommissie van ondersoek is ingestel, wat gelei is deur John T. Bigge en William MacBean George Colebrooke. Hulle het 'n nuwe hofstelsel voorgestel. 'n Hooggeregshof is in Januarie 1828 op grond van die aanbevelings van die kommissie ingestel. Aangesien hulle op soek was na akademies goed gekwalifiseerde regters, is Neethling, wat 'n doktorsgraad in die regte gehad het, aangestel as een van die hooggeregshofregters.[4][5]
Ander aktiwiteite[wysig | wysig bron]
Afgesien van die praktyk, het hy saam met D.G. Reitz en C.J. Brand die koerant De Zuid-Afrikaan gestig. Hy was 'n handelaar en 'n lid van die Raad van Justisie vir die Bataafse Republiek van 1803 tot 1806.[6]
Vrymesselaar[wysig | wysig bron]
Hy het 'n Lodge gestig met die naam "de Hoop", vernoem na sy pa se plaas. Hy was geïnteresseerd in Britse vrymesselary. Hy was grootmeester van die lodge "de Goede Hoop" van 1813 tot 1831.[7][8] Hy volg Jacob Abraham de Mist op as Grootmeester, en Michiel van Breda volg hom op in 1831.
Verwysings[wysig | wysig bron]
- ↑ Dictionary of South African Biography, Volume 2. National Council for Social Research. 1972. ISBN 9780624003694.
- ↑ Erasmus, H.J. (2015). "The beginnings of a mixed system or, advocates at the Cape during the early nineteenth century, 1828-1850". Fundamina. Besoek op 2 Oktober 2018.
- ↑ Vos, H.N. and Malherbe, W. (1997). "de Hoop dorpsplaas Stellenbosch, geskiedkundige argeologiese ondersoek" (PDF). Stellenbosch Museum. Geargiveer vanaf die oorspronklike (PDF) op 3 Oktober 2018. Besoek op 2 Oktober 2018.
{{cite web}}: AS1-onderhoud: meer as een naam (link) - ↑ Farlam, I. G. (1988). "The origin of the Cape Bar" (PDF). Law Journal. Geargiveer vanaf die oorspronklike (PDF) op 19 Mei 2017. Besoek op 2 Oktober 2018.
- ↑ van de Sandt, B.J. (1835). "Rules, Orders, &c, touching the Forms and Manners of Proceeding in Civil and Original Cases, before the Supreme, Circuit, and Resident Magistrates' Courts, of the Colony of the Cape of Good Hope". A. S. Robertson.
- ↑ van Niekerk, J.P. (2016). "The life and times of Cape advocate Dirk Gysbert Reitz: a biographical note" (PDF). Besoek op 3 Oktober 2018.
- ↑ Cooper, A.A. (1980). "Freemasonry in South Africa 1772-1876" (PDF). Besoek op 2 Oktober 2018.
- ↑ "Prominent Persons in history who were freemasons". Geargiveer vanaf die oorspronklike op 27 Januarie 2020. Besoek op 3 Oktober 2018.
