Jacob Abraham de Mist

in Wikipedia, die vrye ensiklopedie
Jacob Abraham de Mist
Jacob Abraham de Mist

Kommissaris-generaal van die Kaapkolonie
Ampstermyn
21 Februarie 1803 – 25 September 1804
Voorafgegaan deur Francis Dundas
Opgevolg deur Jan Willem Janssens

Voorsitter van die Nasionale Vergadering van die Bataafse Republiek
Ampstermyn
17 April 1797 – 1 Mei 1797
Voorafgegaan deur Jan Couperus
Opgevolg deur Jan Bernd Bicker

Persoonlike besonderhede
Gebore Jacob Abraham Uitenhage de Mist
20 April 1749
Zaltbommel, Nederland
Sterf 3 Augustus 1823 (op 74)
Voorburg, Nederland
Alma mater Universiteit van Leiden

Jacob Abraham Uitenhage de Mist (Zaltbommel, Nederland, 20 April 1749 - Voorburg, Nederland, 3 Augustus 1823) was 'n Nederlandse staatsman, staatshoof van die Bataafse Republiek van 17 April 1797 - 1 Mei 1797 en kommissaris-generaal van die Kaapkolonie tydens die afwesigheid van 'n goewerneur van 21 Februarie 1803 tot 25 September 1804 in ooreenstemming met die Verdrag van Amiens.

De Mist word in 1768 meester in die regte aan die Universiteit van Leiden en in 1796 afgevaardig as lid vir die distrik Deventer na die Nasionale Vergadering. In 1800 is hy benoem tot lid van die "Raad der Aziatische Bezittingen en Etablissementen". Op 10 Desember die volgende jaar gee die Bataafse regering hom opdrag om ondersoek in te stel na die wyse waarop die Kaap geregeer moet word. Hy gee sy beskouinge in sy memorandum.

As kommissaris van die Kaap stel hy op 1 Maart 1803 vir luitenant-generaal Jan Willem Janssens aan as goewerneur van die Kaap en stel ook die Politieke Raad en Raad van Justisie in. Hierna vertrek hy op 'n reis na die binneland. In 1804 besoek hy die sendeling dr. J.T. van der Kemp en proklameer op 7 Februarie 'n nuwe distrik wat later ter ere van hom Uitenhage genoem sou word. In Mei stel hy 'n Kommissaris van Veeteelt aan en vaardig op 25 Julie die Kerkorde en op 11 September sy Onderwysordonnansie uit.

Op 25 September lê hy die amp van kommissaris-generaal neer en vertrek 25 Februarie die volgende jaar met die Silenus of New York oor Amerika na Nederland. Op 25 Julie lê hy 'n verslag voor oor sy handelinge en besluite aan die Kaap.

Sien ook[wysig | wysig bron]

Bronne[wysig | wysig bron]

  • Rosenthal, Eric, 1978. Encyclopaedia of Southern Africa. Kaapstad en Johannesburg: Juta and Company Limited.
  • Albertyn, C.F. dr. (hoofred.), 1972. Die Afrikaanse Kinderensiklopedie. Kaapstad: Nasou.