John Irving

in Wikipedia, die vrye ensiklopedie
John Irving
’n Beeld van die betrokke persoonlikheid.
Irving in 2010 in Keulen, Duitsland.

Geboortenaam John Wallace Blunt jr.
Geboorte (1942-03-02)2 Maart 1942
Exeter, New Hampshire, VSA
Beroep Skrywer
Eerbewyse Oscar, National Book Award for Fiction vir The World According to Garp
Bekende werke The World According to Garp
The Cider House Rules
A Prayer for Owen Meany
A Widow for One Year
Webblad john-irving.com

John Winslow Irving (gebore as John Wallace Blunt jr.; 2 Maart 1942)[1] is 'n Amerikaans-Kanadese roman- en draaiboekskrywer.

Irving het wêreldwyd beroemd geraak ná die sukses van The World According to Garp in 1978. Baie van sy boeke was topverkopers, insluitende The Hotel New Hampshire (1981), The Cider House Rules (1985), A Prayer for Owen Meany (1989) en A Widow for One Year (1998). Hy het in 2000 op die 72ste Oscar-toekenningsaand die Oscar gewen vir sy verwerkte draaiboek van The Cider House Rules.[2]

Vyf van sy romans is verfilm: Garp, Hotel, Meany, Cider en Widow. Verskeie van sy verhale speel af in Exeter, New Hampshire, waar hy gebore is.

Loopbaan[wysig | wysig bron]

Irving se loopbaan het op 26-jarige ouderdom begin met die publikasie van sy eerste roman, Setting Free the Bears (1968). In die laat 1960's het hy saam met Kurt Vonnegut aan die Universiteit van Iowa se Skrywerswerkwinkel studeer.[3] Sy tweede en derde roman, The Water-Method Man (1972) en The 158-Pound Marriage (1974), het soos die eerste roman nie groot sukses behaal nie. In 1975 het Irving assistentprofessor van Engels geword aan die Mount Holyoke-kollege in Massachusetts.[4]

'n Jong John Irving.

Irving het sy vierde roman, The World According to Garp (1978), deur 'n ander uitgewer laat uitgee en dit het 'n internasionale topverkoper geword. 'n Rolprent is later van Garp gemaak, met George Roy Hill as regisseur en met Robin Williams en Glenn Close; dit het verskeie Oscarbenoemings gekry, insluitende vir Close en John Lithgow.

Ook Irving se volgende boeke was topverkopers. Die eerste een was The Hotel New Hampshire (1981), wat goed verkoop meer uiteenlopende resensies gekry het. 'n Rolprent is daarvan ook gemaak, met Tony Richardson as regisseur en met Jodie Foster, Rob Lowe en Beau Bridges. "Interior Space", 'n kortverhaal wat oorspronklik in 1980 in die tydskrif Fiction verskyn het, is later gebruik in O. Henry Prize se Storieversameling van 1981.[5]

In 1985 het Irving The Cider House Rules uitgebring en in 1989 A Prayer for Owen Meany (1989). Dit is beïnvloed deur The Tin Drum (1959) deur Günter Grass,[6] en die storielyn bevat verdere sinspelings na The Scarlet Letter (1850) deur Nathaniel Hawthorne en die werk van Dickens. Owen Meany was Irving se eerste topeverkoper ná Garp.

Irving se ingewikkeldste en moeilikste boek was moontlik A Son of the Circus (1995). Die tema en liggings in die verhaal was anders as in sy vorige boeke en resensente het dit afgeskiet.[7] Tog het dit 'n internasionale topverkoper geword danksy Irving se reputasie. Irving het in 1998 A Widow for One Year uitgegee.

In 1999 is 'n fliek gemaak van Irving se draaiboek vir The Cider House Rules, met Michael Caine, Tobey Maguire, Charlize Theron en Delroy Lindo. Dit is vir verskeie Oscars benoem, insluitende beste prent, en Irving het 'n Oscar gewen vir die verwerkte draaiboek.[8]

Irving se 10de boek, The Fourth Hand (2001), was ook 'n topverkoper. In 2004 is A Sound Like Someone Trying Not to Make a Sound, 'n kinderboek, gepubliseer. Sy 11de roman, Until I Find You, is in Julie 2005 uitgegee. Op 28 Junie 2005 het The New York Times 'n artikel gepubliseer wat onthul het Until I Find You bevat twee persoonlike elemente oor sy eie lewe wat hy nog nooit tevore in die openbaar bespreek het nie: die seksuele misbruik van Irving op 11-jarige ouderdom deur 'n ouer vrou en die verskyning kort tevore van sy biologiese pa se familie in sy lewe.[1]

In sy 12de roman, Last Night in Twisted River (2009), is Irving se sentrale karakter 'n romanskrywer met 'n loopbaan wat, soos die resensent Boyd Tonkin gesê het, baie soos Irving s'n verloop.[9]

Vier van Irving se romans was nommer een op die topverkoperlys van The New York Times: The Hotel New Hampshire (27 September 1981), wat sewe weke lank boaan die lys gebly het; The Cider House Rules (16 Junie 1985); A Widow for One Year (14 Junie 1998); en The Fourth Hand (29 Julie 2001).

Bibliografie[wysig | wysig bron]

Rolprente van sy skryfwerk[wysig | wysig bron]

  • The World According to Garp (1982)
  • The Hotel New Hampshire (1984)
  • Simon Birch (1998, gedeeltelik gebaseer op A Prayer for Owen Meany)
  • The Cider House Rules (1999)
  • The Door in the Floor (2004, uit A Widow for One Year)

Verwysings[wysig | wysig bron]

  1. 1,0 1,1 Smith, Dinitia (28 Junie 2005). "While Excavating Past, John Irving Finds his Family". The New York Times. Besoek op 10 September 2014.
  2. "John Irving 1999 Acceptance Speech on Winning the Oscar for Best Adapted Screenplay", oscars.org
  3. "John Irving remembers the late Kurt Vonnegut". EW.com (in Engels (VSA)). 22 April 2007. Besoek op 11 November 2017.
  4. Nicholas Wroe (13 Augustus 2005). "Grappling with life". The Observer. Londen. Besoek op 5 November 2009. his parents had married six months before his birth
  5. "The O. Henry Prize Stories". www.randomhouse.com. Besoek op 11 November 2017.
  6. "A Soldier Once", oor Grass se outobiografie, Peeling the Onion, 8 Julie 2007.
  7. "NYTimes". www.nytimes.com. Besoek op 26 Januarie 2017.
  8. "Browser Unsupported - Academy Awards Search | Academy of Motion Picture Arts & Sciences". awardsdatabase.oscars.org. Besoek op 26 Januarie 2017.
  9. Boyd Tonkin (23 Oktober 2009). "Cooking up a storm: John Irving's latest saga reveals the secrets of authors and chefs alike". The Independent. Londen. Besoek op 5 November 2009.
  10. Peschel, Joseph (8 November 2015). "John Irving revisits odd characters, circuses, orphanage in new novel". St. Louis Post-Dispatch.

Skakels[wysig | wysig bron]