Robin Williams

in Wikipedia, die vrye ensiklopedie
Robin Williams
'n Beeld van die betrokke persoonlikheid.
Williams by die opening van Happy Feet Two op 4 Desember 2011

Geboortenaam Robin McLaurin Williams
Alias Robin McLaurin Williams
Robin McLaurim Williams
Robin Wiliams
Robin McLaurin Wiliams
Robin McLaurim Wiliams
Geboorte 21 Julie 1951
Chicago, Illinois
Sterfte 11 Augustus 2014
Paradise Cay, Kalifornië
Nasionaliteit Verenigde State van Amerika
Beroep(e) Akteur, komediant
Aktiewe jare 1972–2014
Webwerf http://www.robinwilliams.com
Toekennings Oscar
Internet-rolprentdatabasis-profiel

Robin McLaurin Williams was 'n Oscar-bekroonde Amerikaanse akteur en komediant. Hy was veral bekend vir sy rol in Good Morning Vietnam (1987), Dead Poets Society (1989) en Good Will Hunting (1997). Hy het in 1997 'n Oscar vir sy ondersteunende rol in Good Will Hunting ontvang.

Biografie

Williams is Robin McLaurin Williams op 21 Julie 1951 in Chicago, Illinois in die Verenigde State van Amerika gebore. Sy moeder, Laura McLaurin (née Smith, 24 September 1922 - 4 September 2001) was 'n voormalige model vanaf New Orleans, Louisiana. Sy vader, Robert Fitzgerald Williams (10 September 1906 - 18 Oktober 1987) was 'n senior bestuurder by die Ford Motormaatskappy.

Hy studeer vir 'n rukkie politieke wetenskap voordat hy by die Juilliard-skool inskryf om teater te studeer. Na sy studies tree hy in nagklubs op, waar hy vir die rol van Mork in 'n episode van Happy Days (1974), asook die opvolg Mork & Mindy (1978–1982) ontdek is. Daarna het hy 'n suksesvolle loopbaan as improvisasie-komediant en rolprentakteur gevolg.

Williams is drie keer vir 'n Oscar in die kategorie "Beste Akteur" benoem. In 1997 ontvang hy 'n Oscar vir die beste ondersteunende rol in Good Will Hunting. Hy het ook twee Emmy-, vier Golden Globe-, twee Screen Actors Guild- en vyf Grammy-pryse ingepalm.

Hy is op 11 Augustus 2014 by sy huis in Paradise Cay in die noorde van Kalifornië oorlede. Hy het na bewering aan ernstige depressie gely en het vermoedelik sy eie lewe geneem. Hy laat sy vrou, Susan Schneider en drie kinders agter.[1]

Werke

Filmografie

Van sy noemenswaardige rolprente:

  • Popeye (1980)
  • Good Morning, Vietnam (1987)
  • Dead Poets Society (1989)
  • Awakenings (1990)
  • Hook (movie) (1991)
  • Aladdin (1992 movie) (1992)
  • Toys (movie) (1992)
  • Mrs. Doubtfire (1993)
  • Jumanji (1995)
  • Flubber (1997)
  • Good Will Hunting (1997)
  • Patch Adams (movie) (1998)
  • The Bicentennial Man (1999)
  • Death to Smoochy (2000)
  • One-Hour Photo (2002)
  • Robots (2005)
  • Night at the Museum (2006)
  • Happy Feet (2006)
  • Night at the Museum: Battle of the Smithsonian (2009)
  • Happy Feet Two (2011)
  • The Butler (2013)
  • The Angriest Man in Brooklyn (2014)
  • Night at the Museum: Secret of the Tomb (2014)

Teater

Jaar Titel Rol Notas
1988 Waiting for Godot Estragon Lincoln Center Theatre, New York
2011 Bengal Tiger at the Baghdad Zoo Tiger Richard Rodgers Theatre, Broadway

Verwysings

Eksterne skakels