Johnny Carson

in Wikipedia, die vrye ensiklopedie
Jump to navigation Jump to search
Johnny Carson
'n Beeld van die betrokke persoonlikheid.
Carson in Oktober 1970.

Geboortenaam John William Carson
Geboorte 23 Oktober 1925
Corning, Iowa
Nasionaliteit Verenigde State van Amerika
Sterfte 23 Januarie 2005
Beroep(e) Akteur, komediant
Aktiewe jare 1950–1992
Internet-rolprentdatabasis-profiel

Johnny Carson (1925–2005) was ’n Amerikaanse TV-aanbieder en komediant. Hy was vir dertig jaar (van 1962 tot 1992) bekend as die aanbieder van The Tonight Show.[1]

Lewensloop[wysig | wysig bron]

Foto van Carson in die vloot.

John William Carson is op 23 Oktober 1925 in Corning, Iowa gebore. Hy begin sy loopbaan in die vermaaklikheidsbedryf as 'n kulkunstenaar. Tydens die Tweede Wêreldoorlog dien hy in die vloot, waarna hy 'n radio-aanbieder word. Vanaf die 1950's verskyn hy as 'n komediant op TV.

Hy bied sy beroemde praat-program The Tonight Show van 1962 tot 1992, vyf keer per week op NBC aan. Dit was die eerste laataand vertoning van die aard ter wêreld. In 1992 het Jay Leno by hom oorgeneem.

Carson het sewe Emmy-pryse gewen en was 'n ikoon op Amerikaanse televisie. Talle bekende mense het as 'n gas op sy program verskyn. In 1992 ken president George H.W. Bush die hoogste onderskeiding wat 'n burger te beurt kan val aan hom toe. Hy het in totaal 4350 uitsendings hanteer, waartydens sowat 22 000 gaste op sy program verskyn het. Sy gaste is kenmerkend met die uitroep "Heeeere's Johnny!!" aangekondig.

Op 19 Desember 1973 vertel die aanbieder op sy program dat daar 'n ernstig tekort aan toiletpapier sou wees. Die grap is later bewaarheid en dit het 3 weke geneem voordat supermarkte weer aan die aanvraag kon voldoen.

Carson het ernstig gerook en het 'n paar jaar lank aan emfiseem gelei voordat hy op 23 Januarie 2005 daaraan oorlede is. Hy was 79 jaar oud.[2]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Longtime host of 'Tonight Show' dies at 79 Associated Press, 8 Februarie 2005

Eksterne skakels[wysig | wysig bron]