José Carreras

in Wikipedia, die vrye ensiklopedie
Jump to navigation Jump to search
José Carreras
Jose Carreras - World Economic Forum Annual Meeting 2011 - cropped.jpg
GeboortenaamJosep Maria Carreras i Coll
Geboorte5 Desember 1946 (1946-12-05) (72 jaar oud)
Barcelona, Spanje
Beroep(e)Sanger
Genre(s)Opera
Tipe stemTenoor
Aktiewe jare1954–nou
Portal.svg Musiekportaal

José Carreras (1946-) is ’n Spaanse tenoor en operasanger. Hy was van 1990 tot 2003 bekend as een van die Drie Tenore (saam met Placido Domingo en Luciano Pavarotti).[1] Hy het talle toekennings vir sy musiek en liefdadigheidswerk ontvang.

Lewensloop[wysig | wysig bron]

Josep Maria Carreras i Coll (sy volle naam) is op 5 Desember 1946 in die Katalaanse hoofstad Barcelona gebore. Hy volg die konservatorium daar, waar hy onder J.F. Puig studeer. Een van sy ander mentors was die sanger Montserrat Caballé.

My maak sy internasionale debuut in 1971 in Londen met Donizetti se Maria Stuarda. In 1972 maak hy sy Amerikaanse debuut as Pinkerton in Puccini se Madame Butterfly. Daarna tree hy in al die groot operahuise op, insluitende die Londense Covent Garden en die Metropolitaanse Opera in New York.[2]

In 1984 ontvang hy die Medalla d'Or de la Generalitat, die hoogste onderskeiding van die Katalaanse regering.

In 1988 bring hy die Josep Carreras Internasionale Leukemie Stigting tot stand. Die stigting finansier leukemie-navorsing en die registrasie van beenmurg-skenkers. Carreras het in die 1980's self kanker gehad, wat hom tot die aktiewe bestryding daarvan oorgehaal het.[3]

In 1990 sien miljoene mense hom op TV tydens 'n konsert van die Drie Tenore, wat met die opening van die Sokker-Wêreldbeker saamgeval het. In 1992 sing hy die duet 'Amigos Para Siempre' tydens die sluitingseremonie van die Olimpiese Spele 1992 in Barcelona.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Michael Kennedy en Joyce Bourne Kennedy; The Concise Oxford Dictionary of Music (5de uitgawe), Oxford University Press, 2007. ISBN 0-19-920383-0
  3. José Carreras International Leukaemia Foundation: Presentation”. fcarreras.org. URL besoek op 2012-12-27.

Eksterne skakels[wysig | wysig bron]