Juan Ponce de León

in Wikipedia, die vrye ensiklopedie
Spring na: navigasie, soek
Juan Ponce de León
Juan Ponce de León

1ste Goewerneur van Puerto Rico
Ampstermyn
1509 – 1512
Voorafgegaan deur Amp geskep
Opgevolg deur Juan Cerón
Ampstermyn
1515 – 1519
Voorafgegaan deur Cristóbal de Mendoza
Opgevolg deur Sánchez Velázquez

Persoonlike besonderhede
Geboorte 1474
Santervás de Campos, Kastilië
Sterfte Julie 1521
Havana, Kuba
Eggenoot/eggenote Leonor Ponce de León
Kind(ers) Juana Ponce de León
Religie Rooms-Katolieke Kerk
Handtekening Juan Ponce de León Signature.svg

Juan Ponce de León (circa 1460 - 1521) was 'n Spaanse ontdekkingsreisiger en gebore in San Tervás de Campos, Spanje. Hy neem deel aan die oorloë van Granada en vergesel Christopher Columbus op sy tweede tog in 1493. Nadat Nicolás de Ovando goewerneur van die Wes-Indies word, was Ponce de León kaptein van die troepe in Santo Domingo. Nadat hy 'n opstandige plaaslike hoof gearressteer het word hy as luitenant aangestel in die Provinsie Higuey in die noordooste van Haiti.

Daarna vestig hy homself by Salva León en ontwikkel plantasies. Die plaaslike mense lig hom in oor goud in San Juan de Borinquén - tans Puerto Rico. Ovando gee hom goedkeuring om 'n ekspedisie te lei na die eiland waar hy 'n nedersetting vestig. Hy word egter onttroon deur Don Diego, die seun van Christopher Columbus. Ponce de León soek daarna magtiging om gebiede buite Diego se beheer te verken en stel 'n ekspedisie voor na die eiland Bimini in die Bahamas waar volgens oorlewering die Fontein van Ewigdurende Jeug is. Hy ondervind egter weerstand en vertrek na Spanje en kry toestemming van Koning Ferdinand vir die ekspedisie. Op 27 Maart 1513, steeds opsoek na die Fontein van Ewigdurende Jeug, ontdek hy Florida. Hy sit voet aan land op 2 April 1513 by die teenswoordige St. Augustine. Hierna keer hy terug na Spanje via Puerto Rico. In Spanje maak koning Ferdinand hom goewerneur van Bimini en Florida. In 1521 onderneem Ponce de León 'n tweede tog na Florida en word gewond in 'n skermutseling met die Indiane. Hy word na Kuba geneem waar hy sterf in Mei of Junie 1521.

Bron[wysig | wysig bron]

  • Collier's Encyclopedia, Crowell-Collier Educational Corporation, Volume 19, Bladsy 237.