Kilimandjaro
| Kilimandjaro | |
|---|---|
 Berg Kilimandjaro | |
| Ligging | Kilimandjaro-gebied, Tanzanië; histories: Duits-Oos-Afrika |
| Hoogte | 5 895[1] meter bo seevlak |
| Reeks | Alleenstaande berg in die Kilimandjaro-massief |
| Koördinate | 3°4′33″S 37°21′12″O / 3.07583°S 37.35333°O |
| Bergtipe | Stratovulkaan |
| Eerste bestyging | 1899 |
| Eerste bestyger(s) | Hans Meyer Ludwig Purtscheller |
| Maklikste roete | Voetslaan[2] |
  Kilimandjaro |
|
Kilimandjaro (Engels: Mount Kilimanjaro; Swahili: Mlima Kilimanjaro) is 'n bergmassief in Afrika wat in die noordooste van Tanzanië naby die grens met Kenia geleë is. Met sy hoogte van 5 895 meter is dit die hoogste berg in Afrika, asook die hoogste alleenstaande berg ter wêreld. Die massief bestaan uit die drie vulkane: Kibo, Mawenzi en Shira. Dit is een van die Vulkaniese Sewe Kruine.
Tussen 1885 en 1918 was die berg die hoogste punt op Duitse gebied (Duits-Oos-Afrika) en van 1902 tot 1918 is die berg ná Keiser Wilhelm Kaiser-Wilhelm-Spitze of Wilhelmskuppe genoem. Die Kilimandjaro Nasionale Park is in 1987 deur Unesco as wêrelderfenisgebied gelys.
Die hoogste punt op die berg staan bekend as Uhuru-piek (Swahili vir: "Vryheid"). Daar is sewe roetes wat lei na Uhuru-piek met slegs een wat werklike klimwerk vereis. Die temperatuur daal tot by -30°C bo-op die berg.[3]
Roetes na die bergspits neem 5–8 dae. Hoe meer tyd bestee word om te klim, hoe makliker sal dit wees om te akklimatiseer.[4]
In populêre kultuur
[wysig | wysig bron]Die joernalis Tom Bissell het opgemerk dat Kilimanjaro miskien die mees literêre berg in die wêreld is.[5] Die berg is prominent in Ernest Hemingway se 1936 kortverhaal "The Snows of Kilimanjaro", wat aangepas vir 'n 1952-rolprent waarin Gregory Peck die hoofrol vertolk het. Dave Eggers het oor sy klim geskryf in die kortverhaal "Up the Mountain Slowly, Very Slowly."[5] Die klim van Kilimanjaro word uitgebeeld in Andrei Goesev se roman "Once in Malindi", gepubliseer in 2020 (in die 17de hoofstuk).[6][7][8]
Verwysings
[wysig | wysig bron]- ↑ (en) "Kilimanjaro, Tanzania". Peakbagger.com. Besoek op 30 April 2015.
- ↑ (en) "Trekking Kilimanjaro". Altezza Travel. Geargiveer vanaf die oorspronklike op 1 Desember 2017. Besoek op 1 Desember 2017.
- ↑ 'n Week se verlof, sowat R21,000 en baie wilskrag. Beeld 9 Maart 2013
- ↑ (en) "How long does it take to climb Mt. Kilimanjaro?". Geargiveer vanaf die oorspronklike op 19 Februarie 2018. Besoek op 19 Februarie 2018.
- 1 2 (en) Tom Bissell (28 Oktober 2007). "Up the Mountain Slowly, Very Slowly". The New York Times. Besoek op 10 September 2026.
- ↑ (ru) "Review of "Once in Malindi"". Union of Writers of Moscow. 2021.
- ↑ (ru) "Once in Malindi". Proza.ru. 2020. Geargiveer vanaf die oorspronklike op 16 Oktober 2020. Besoek op 16 Oktober 2020.
- ↑ (ru) Andrei Goesev (2020). "Однажды в Малинди". Geargiveer vanaf die oorspronklike op 4 November 2020. Besoek op 4 November 2020.
Eksterne skakels
[wysig | wysig bron]
Wikimedia Commons het meer media in die kategorie Kilimandjaro.- (en) (fr) Amptelike Unescobladsy
- (en) "Kilimanjaro". Encyclopædia Britannica. Besoek op 9 Junie 2017.
