Kisjlak

in Wikipedia, die vrye ensiklopedie
'n Kisjlak in die berge van Tadjikistan.

'n Kisjlak (Russies: кишлак, kisjlak; Aserbeidjans: qışlaq; Kasaks: қыстау, kistai; Tataars: кышлау, kisjlai; Tadjiks: қишлоқ, kisjlok; ensovoorts) is 'n permanente plattelandse dorp in sommige lande waar boere tradisioneel die winter in die berge deurgebring het. Die woord kisj beteken in baie Turkse tale "winter". Die term word gebruik in Azerbeidjan, Afghanistan en Sentraal-Asië.[1][2].

Beskrywing[wysig | wysig bron]

'n Kisjlak was aanvanklik 'n plek waar nomades in die winter oorgebly het. Die Russiese woord is uit die Turkse tale oorgeneem.[1]. Die term het 'n antoniem: jailak, wat "somerhuis", of datsja, beteken.

Die huise in byna al dié soort dorpe was deur 'n klipheining omring. Daar was 'n put op die erf, asook 'n grond- of klei-oond waarin met hout of mis vuurgemaak is. Daar was geen rioolstelsel nie, en dit is vandag nog skaars op dié dorpe.

Benewens die woonhuise, was die basaar, moskee en begraafplaas belangrike plekke op die dorp. Die inwonertal het gewissel tussen sowat 20 en 5 000.

Galery[wysig | wysig bron]

Verwysings[wysig | wysig bron]

  1. 1,0 1,1 Murzaev, Eduard Makarovich (1984). Dictionary of folk geographic terms. Thought. p. 276.
  2. S. A. Tokarev (1958). Ethnography of the peoples of the USSR: the historical foundations of everyday life and culture. Moscow University. p. 297.

Skakels[wysig | wysig bron]