Końskowola

in Wikipedia, die vrye ensiklopedie
Spring na: navigasie, soek

Końskowola
Końskowola, kościół pw. św. Anny, 1.jpg

Kaart Wapen
KurówPoland.png
POL gmina Końskowola COA.svg
Vlag
Flag of None.svg
 Land Flag of Poland.svg Pole
 Woiwodskap POL województwo lubelskie flag.svg Lublin
 Distrik Puławy
 Koördinate 51°25′N 22°03′O
 Stigting 14de eeu
 Stadstatus 1532-1870
 Oppervlakte:  
 - Totaal 9,81 vk km
 Hoogte bo seevlak 162 m
 Bevolking:  
 - Totaal (2004) 2 188
 - Bevolkingsdigtheid 233/km²
 Tydsone UTC +1 (MET)
 - Somertyd UTC +2
 Burgemeester Ewa Gruza
 Amptelike Webwerf konskowola.info.pl

Końskowola is 'n dorp naby Kurów in Suidoos-Pole, tussen Puławy en Lublin aan die Kurówka-rivier. Dit is die hoofdorp van 'n kommune in die Puławy-distrik in die woiwodskap Lublin. Die dorp het in die 2004-sensus 'n bevolking van 2 188 gehad.

Geskiedenis[wysig]

Końskowola het waarskynlik in die 14de eeu ontstaan onder die naam Witowska Wola. Die naam Konińskawola ('n kombinasie van Jan z Konina (Jan Koniński, Jan van Konin): die naam van die eienaar; en wola: 'n landboudorp) kom in 1442 voor, maar dit is eers in die 19de eeu na Końskowola verander. Die dorp het op 8 Junie 1532 amptelike dorpstatus gekry. Baie mense het na die dorp getrek, veral van Sakse en ander dele van Pole.

Ná die derde verdeling van Pole in 1795 is dit deur Oostenryk geannekseer. In 1809 het dit deel geword van die Hertogdom van Warskou en in 1815 van die Koninkryk van Pole. Ná die Januarie-rebellie in 1870 het die dorp sy oktrooi verloor, en nooit weer herwin nie.

Gedurende die Russiese Rewolusie van 1905 is betogings en solidariteitstakings gehou. Die dorp het in 1918 weer deel van Pole geword.

Końskowola is op 15 September 1939 gedurende die Tweede Wêreldoorlog deur Duitse troepe beset. 'n Krygsgevangenekamp en kampe vir slawe (wat tot 1943 op plase gewerk en paaie en spoorlyne gebou het) is deur die Duitsers opgerig.

'n Ghetto het ook ontstaan, waarheen baie Jode, insluitende van Slowakye, gestuur is. Op 8 Mei 1942 is baie Jode na die Sobibor-verdelgingskamp geneem. 'n Menseslagting is in Oktober deur die Duitse Reserwepolisie-bataljon 101 uitgevoer. Tussen 800 en 1 000 Jode, insluitende vroue en kinders, is vermoor. Die oorblywende bewoners van die ghetto is na ander kampe gestuur.

In 1944 het die Duitsers beplan om die dorp af te brand met die aantog van die anti-Fascistiese magte. Vegters van die Poolse ondergrondse Armia Krajowa en die Bataliony Chłopskie het die Duitsers op 25 Julie 1944 aangeval; en die gebied later met behulp van die Sowjetmagte oorgeneem.

Toerisme[wysig]

'n Rooms-Katolieke kerk met grafte van die Opaliński- en die Lubomirski-familie wat in 1670 gerestoureer is, 'n Rooms-Katolieke kerk wat in 1613 in die Lublin Renaissance-styl gebou is en die ruïne van 'n Lutherse begraafplaas is toeriste-attraksies.

Die dorp is ook bekend as die plek waar die Poolse digters Franciszek Dionizy Kniaźnin en Franciszek Zabłocki gesterf het.

Die Poolse skrywer Henryk Sienkiewicz, wat 'n Nobelprys vir letterkunde gewen het, het die dorp in sy roman Met vuur en swaard genoem: "baie swak bier ook in hierdie Końskowola, het Mr. Zagłoba opgemerk".

Eksterne skakels[wysig]

Commons-logo.svg
Wikimedia Commons het meer media verwant aan:
Końskowola (kategorie)