Lake Tahoe

in Wikipedia, die vrye ensiklopedie
Spring na: navigasie, soek
Lake Tahoe
LakeTahoeFromSpace NthUp.JPG
Satellietbeeld van die Lake Tahoe
Map roadless areas Lake Tahoe.gif
Kaart van die Lake Tahoe
Koördinate: 39°05′N 120°02′W / 39.083°N 120.033°W / 39.083; -120.033Koördinate: 39°05′N 120°02′W / 39.083°N 120.033°W / 39.083; -120.033
Ligging: Kalifornië, Verenigde State
Soort: Binnemeer
Oppervlakte: 490 km² (191 myl²)
Gemiddelde diepte: 300 m (1 000 vt)
Maksimum diepte: 501 m (1 645 vt)
Volume: 150 km³ (36 myl³)[1]
Lengte: 35 km (22 myl)
Breedte: 19 km (12 myl)
Omtrek: 114 km (71 myl)
Uitvloei: Truckee River
Eiland/e: Fannette
Nedersettings: Incline Village, NV
South Lake Tahoe, CA
Stateline, NV
Tahoe City, CA
Lake Tahoe: Emerald Bay

Lake Tahoe is 'n uitgestrekte meer in die Amerikaanse Sierra Nevada-bergreeks. Die meer, wat 1 897 m bo seevlak lê, is wes van Carson City langs die grens tussen die deelstate Kalifornië en Nevada geleë. Lake Tahoe is die grootste Alpynse meer in Noord-Amerika met 'n oppervlak van 490 km² en met 501 m die tweede diepste in die Verenigde State (ná Crater Lake in Oregon met 594 m).

Die meer is sowat twee miljoen jare gelede as deel van die Lake Tahoe-bekken gevorm en het sy huidige vorm gedurende die ystydperke gekry. Lake Tahoe staan bekend vir die helderheid van sy water en die panoramiese uitsig oor die bergpieke wat die meer heeltemal omring. Na die meer se omgewing word eweneens as Lake Tahoe of kort Tahoe verwys.

Lake Tahoe is danksy die natuurskoon van meer en berge 'n belangrike toeriste-trekpleister in sowel Kalifornië asook Nevada waar besoekers gedurende die somer- en winterseisoen buitenshuise ontspanning kan geniet. In sy omgewing is 'n aantal ski-oorde en ander toeristebestemmings geleë. Sneeu en skisport is intussen 'n belangrike dryfveer vir die plaaslike ekonomie en die streek se reputasie. Langs Nevada se meeroewer is groot kasino's geopen. Snelweë bied dwarsdeur die jaar maklike toegang vanuit Reno, Carson City en Sacramento tot die Lake Tahoe-gebied.

Verwysings[wysig | wysig bron]

  1. (en) van der Leeden; Troise; Todd (1990), The Water Encyclopedia (2nd ed.), Chelsea, MI: Lewis Publishers, p. 198–200 

Eksterne skakels[wysig | wysig bron]