Leonard Bernstein

in Wikipedia, die vrye ensiklopedie
Jump to navigation Jump to search
Leonard Bernstein
Leonard Bernstein by Jack Mitchell.jpg
Leonard Bernstein, afgeneem deur Jack Mitchell.
GeboortenaamLouis Bernstein
Geboorte25 Augustus 1918
Lawrence, Massachusetts
Afsterwe14 Oktober 1990
New York, Verenigde State
Beroep(e)Komponis, dirigent, pianis
Aktiewe jare1940–1990
Portal.svg Musiekportaal

Leonard Bernstein (1918–1990) was ’n Amerikaanse musikus, bekend as dirigent van klassieke musiek en komponis van gewilde musiekblyspele soos West Side Story en operas soos Candide.[1]

Beknopte biografie[wysig | wysig bron]

Louis Bernstein is op 25 Augustus 1918 in Lawrence, Massachusetts in die Verenigde State van Amerika van Oekraïens-Joodse ouers gebore. Hy studeer aan Harvard en aan die Curtis Institute of Music in Philadelphia.

Bernstein het verskeie musiekblyspele in die jare veertig opgevoer. Hy word vir die eerste keer in 1943 bekend toe hy as dirigent by 'n konsert in New York vir die siek Bruno Walter moes instaan. Sy blyspele, West Side Story, het hom egter internasionaal bekend gemaak.

Hy het vir jare 'n opvoedkundige program oor klassieke musiek op TV aangebied. Van 1958 tot 1969 was hy die eerste dirigent en artistieke leier van die New York Filharmoniese-orkes, waar hy al Gustav Mahler se simfonieë opgevoer het. Hy het ook gereeld die Wiener Philharmoniker, die Koninklike Konsertgebouorkes en die Boston Simfonie-orkes gedirigeer.

Bernstein se grootste prestasies as dirigent was die wêreldwye première van die Turangalîla-simfonie van Olivier Messiaen in 1949. Op 23 Desember 1989 en op 25 Desember 1989 dirigeer Bernstein die Negende Simfonie van Ludwig van Beethoven. Die tweede konsert is wêreldwyd op televisie ter viering van die val van die Berlynse Muur uitgesaai. Vir dié optrede het Bernstein die teks van die slotkoor verander en die woord Freude (vreugde) met Freiheit (vryheid) vervang.

Bernstein was 'n swaar roker wat aan emfiseem gely het. Hy is op 14 Oktober 1990 aan 'n hartaanval in New York oorlede. Hy was 72 jaar oud.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]