Li Keqiang

in Wikipedia, die vrye ensiklopedie
Jump to navigation Jump to search
Li Keqiang-19052015.png

Li Keqiang (Mandaryns: 李克强) (Hefei, Anhui, 1 Julie 1955) is 'n Chinese politikus wat sedert 15 Maart 2013 as die premier van die Volksrepubliek China dien.

Studieloopbaan[wysig | wysig bron]

Li is as die seun van 'n munisipale beampte van Hefei gebore.[1]

Li het in 1974 tydens die Kulturele Rewolusie aan die hoërskool in Hefei gegradueer en is na die landelike gebiede in Fengyang in dieselfde provinsie gestuur om in die platteland te gaan werk. Daar word hy uiteindelik lid van die Kommunistiese Party van China en word hy partyleier van die plaaslike produksiespan. Hy het 'n toekenning ontvang vir sy studie van Maoïsme.[2]

Li het die aanbod van sy vader van die hand gewys om hom voor te berei op die plaaslike leierskap van die party en het regte aan die Universiteit van Beijing gaan studeer, waar hy sy LLB-graad verwerf het.[3] Hy het die president van die studenteraad van die universiteit geword, en in 1995 'n PhD in ekonomie verwerf, met die prominente ekonoom Li Yining (wat nie familie is nie) as doktorale adviseur. Sy proefskrif is bekroon met die Sun-Yefang-prys, die hoogste prys in China in die ekonomie.[4]

Politieke loopbaan[wysig | wysig bron]

Li was van 2008 tot 2013 vise-premier van die Volksrepubliek China onder leiding van president Hu Jintao.

Li Keqiang is op 15 Maart 2013 deur die Nasionale Volkskongres tot premier verkies.[5] Xi Jinping is op dieselfde kongres tot president verkies. Li vervang toe premier Wen Jiabao, wat uitgetree het nadat hy twee termyne gedien het. Van die byna 3 000 lede wat op die kongres gestem het, was 2 940 ten gunste van Li, slegs drie teen en ses het buite stemming gebly. Hy is vir 'n termyn van vyf jaar verkies.

Buitelandse beleid[wysig | wysig bron]

Li Keqiang het op 18 Mei 2013 sy eerste staatsbesoek aan die naburige Indië afgelê weens 'n poging om grensgeskille op te los en ekonomiese betrekkinge te bevorder. Hy het gesê dat Indië se keuse vir sy eerste staatsbesoek die belangrikheid van China se politieke betrekkinge met Indië beklemtoon.[6]

Tydens sy besoek aan Pakistan het Li met leiers van daardie land vergader en gesê: "As die beste vriend en broer van Pakistan wil ons soveel hulp bied as wat ons kan."[7]

Li het ook Switserland en Duitsland besoek op sy eerste reis na die Europese Unie en het die regeringshoofde van albei lande ontmoet.[8]

Verwysings[wysig | wysig bron]

  1. "合肥市第八中学_百度百科" (in Engels). Geargiveer vanaf die oorspronklike op 7 Februarie 2019. Besoek op 8 Januarie 2015.
  2. 《多维月刊》:李克强出身非平民,成长靠恩师(2). Dwnews.com (in Chinees). 28 November 2008. Geargiveer vanaf die oorspronklike op 1 Desember 2008. Besoek op 18 Maart 2013.
  3. "Profile: Chinese First Vice Prime Minister Li Keqiang". Radio Free Europe (in Engels). 7 November 2012. Geargiveer vanaf die oorspronklike op 4 Maart 2016. Besoek op 26 Augustus 2013.
  4. 总理恩师厉以宁 [Li Yining: teacher of the premier] (in Chinees). Sohu. Geargiveer vanaf die oorspronklike op 8 September 2018. Besoek op 20 Februarie 2015.
  5. "China confirms Li Keqiang as premier". BBC (in Engels). 15 Maart 2013. Geargiveer vanaf die oorspronklike op 20 Desember 2019. Besoek op 15 Maart 2013.
  6. "Chinese premier visits India". Al Jazeera English (in Engels). 19 Mei 2013. Geargiveer vanaf die oorspronklike op 20 Desember 2019. Besoek op 26 Augustus 2013.
  7. "Chinese premier hopes for more fruits in friendship with Pakistan". Xinhuane (in Engels). 24 Mei 2013. Geargiveer vanaf die oorspronklike op 29 Junie 2016. Besoek op 26 Augustus 2013.
  8. Li visits four countries Geargiveer 25 Mei 2013 op Wayback Machine China Daily

Eksterne skakels[wysig | wysig bron]

Notas[wysig | wysig bron]