Limoges

in Wikipedia, die vrye ensiklopedie
Spring na: navigasie, soek

Limoges
Limoges St-Etienne cathedral.jpg

Kaart Wapen
Limoges dot.png
Heraldique blason ville fr Limoges.svg
Kenteken
Logo Limoges.jpg
 Land Flag of France.svg Frankryk
 Région (Admin. gewes) Flag of Limousin.svg Limousin
 Département Drapeau fr département Haute-Vienne.svg Haute-Vienne
 Koördinate 45°51′N 1°15′O
 Stigting 10 n.C.
 Oppervlakte:  
 - Totaal 77,45 vk km
 Hoogte bo seevlak 209-431 m
 Bevolking:  
 - Totaal (2008) 140 138
 - Bevolkingsdigtheid 1 809/vk km
 - Agglomerasie 193 342
 - Aire urbaine 263 645
 Tydsone UTC +1
 - Somertyd UTC +2
 Burgemeester Alain Rodet
 Amptelike webwerf Limoges

Limoges (Oksitaans Lemòtges of Limòtges) is 'n stad in die suid-weste van Frankryk wat as prefektuur (hoofstad) van die administratiewe gewes (région) Limousin en die département Haute-Vienne fungeer.

Met 'n bevolking van 140 138 was Limoges op 1 Januarie 2008 die 25ste grootste stad in Frankryk en die grootste stedelike nedersetting in die suid-weste van die land na Toulouse en Bordeaux. Dit is die setel van 'n biskop en 'n universiteit.

Die stad, wat 2 000 jaar gelede as 'n Romeinse nedersetting gestig is, het in die hoë middeleeue tot die ekonomiese sentrum en beduidendste handelsmetropool van Sentraal-Frankryk ontwikkel en het later, in die 18de eeu, vir sy filiaal van die Koninklike Franse Porseleinmanufaktuur bekend gestaan.

In politieke opsig het Limoges 'n woelige verlede - hier is in 1895 die vakbond Confédération générale du travail (CGT) in die lewe geroep en het benadeeldes en werkers verskeie kere - soos tydens die staking van 1905 - in opstand teen die owerheid gekom. Limoges se bynaam, la ville rouge ("die rooi stad"), verwys dan ook na die tradisioneel linkse gesindheid van sy bewoners.

Vandag het Limoges van sy oorspronklike glans verloor, maar speel steeds - ook op internasionale vlak - 'n belangrike rol as sentrum van die emalje- en porseleinnywerheid waaraan dit ook sy tweede bynaam - capitale des arts du feu ("hoofstad van die vuurkunste") - te danke het. Bekende instellings soos Tiffany en Maxime het hier tradisioneel hul porselein laat vervaardig.

Sedert 24 Januarie 2008 dra Limoges die amptelike erenaam ville d'art et d'histoire ("Stad van kuns en geskiedenis"). Reeds sedert enkele dekades is historiese geboue soos vakwerkhuise gerestoureer en talle tuine en parke aangelê. Die plaaslike stasie is een van die mooiste voorbeelde van Jugendstil-boukuns in Europa.