Morbihan

in Wikipedia, die vrye ensiklopedie
Morbihan (56)
Gewes Bretagne
Prefektuur Vannes
Onderprefekture Lorient
Pontivy
Bevolking 643  873 inw.
(1999)
Bevolkingsdigtheid 94 inw./vk km
Oppervlakte 6 823 vk km
Arrondissemente 3
Kantonne 42
Munisipaliteite 261
President van die
Conseil général
François Goulard
(Les Républicains)
Die eiland Belle-Île: Port Coton

Morbihan is sedert 1790 'n département in Bretagne, Frankryk, met 'n oppervlakte van 6 823 km² en sowat 647 000 inwoners (2003). Die hoofstad (prefektuur) is Vannes.

Morbihan is die enigste département wat geen Franse naam dra nie. Die Bretonse "Morbihan" beteken "klein see" en beskryf die Golf van Morbihan wat soos 'n klein binnesee met honderde eilande lyk. Die kuslengte van sowat 500 kilometer sluit verskillende landskapsvorme van rotsberge tot sandstrande in, en talle van sy klein baaie is natuurreservate. Die baai van Quiberon is 'n belangrike kruisvaarthawe. Die département beskik oor een van die gewildste watersportsentra in Europa, met bekende jaghawens soos La Trinité-sur-Mer, Carnac, Port-Haliguen en Le Crouesty op die skiereiland Rhuys.

Twee ander stede in die département is ook bekendes in die watersport – Lorient, die uitgangspunt vir groot transatlantiese regattas in Europa, en Vannes, waar groot Franse seilregattas plaasvind.

Die gematigde klimaat en baie sonskynure bevorder die ongewone fauna en flora van die gebied wat 'n mens so ver in die noorde eintlik nie meer sou verwag nie. Die département huisves een van die grootste seevoëlkolonies langs die Atlantiese kus van Frankryk, waaronder sowat een kwart van die wêreld se wildeganse. Die klimaat met sy gesonde seelug het van die gebied die Franse sentrum van die thalassoterapie gemaak.

Geskiedenis[wysig | wysig bron]

Die "steenlane" van Carnac

Die geskiedenis van Morbihan begin sowat 3500 v.C. met vroeë nedersettings in Armorika. Een van die grootste versamelings megaliete ter wêreld getuig van 'n beskawing wat tot vandag raaiselagtig bly. Die indrukwekkende "steenlane" van Carnac, die "koopmanstafel" van Locmariaquer en die vorsteheuwel van Gavrinis is die bekendste monumente wat van steen gemaak is.

Omtrent 500 v.C. vestig Keltiese setlaars, die Veneters, hulle in die gebied van Morbihan. Saam met die oorspronklike bevolking ontwikkel hulle tot 'n magtige ryk, wat veral op die seehandel steun. In die jaar 56 v.C. word hulle vloot van 220 seilskepe ingevolge 'n windstilte in die Golf van Morbihan deur die Romeinse roeigaleie verslaan. Die leiers van die Veneters sterf, terwyl die bevolking verslaaf en die gebied daarna geleidelik geromaniseer is. Die hoofstad van die Veneters, die huidige Vannes, is deur die Romeine weer tot 'n belangrike hawestad ontwikkel.

Kuns en kultuur[wysig | wysig bron]

Kaart van Morbihan

Die Festival Interceltique de Lorient vind sedert die vroeë sewentigerjare in Lorient plaas en lok in 2004 reeds 600 000 besoekers. Meer as 4 500 kunstenaars uit Skotland, Ierland, Wallis, Cornwall, die eiland Man, Asturië, Galisië en Bretagne bied jaarliks 'n fees met tradisionele en destydse Keltiese kultuur en musiek.

Die départements van Frankryk (Départements français)
Metropolitaanse Frankryk (France métropolitaine

01 Ain | 02 Aisne | 03 Allier | 04 Alpes-de-Haute-Provence | 05 Hautes-Alpes | 06 Alpes-Maritimes | 07 Ardèche | 08 Ardennes | 09 Ariège | 10 Aube | 11 Aude | 12 Aveyron | 13 Bouches-du-Rhône | 14 Calvados | 15 Cantal | 16 Charente | 17 Charente-Maritime | 18 Cher | 19 Corrèze | 2A Corse-du-Sud | 2B Haute-Corse | 21 Côte-d'Or | 22 Côtes-d'Armor | 23 Creuse | 24 Dordogne | 25 Doubs | 26 Drôme | 27 Eure | 28 Eure-et-Loir | 29 Finistère | 30 Gard | 31 Haute-Garonne | 32 Gers | 33 Gironde | 34 Hérault | 35 Ille-et-Vilaine | 36 Indre | 37 Indre-et-Loire | 38 Isère | 39 Jura | 40 Landes | 41 Loir-et-Cher | 42 Loire | 43 Haute-Loire | 44 Loire-Atlantique | 45 Loiret | 46 Lot | 47 Lot-et-Garonne | 48 Lozère | 49 Maine-et-Loire | 50 Manche | 51 Marne | 52 Haute-Marne | 53 Mayenne | 54 Meurthe-et-Moselle | 55 Meuse | 56 Morbihan | 57 Moselle | 58 Nièvre | 59 Nord | 60 Oise | 61 Orne | 62 Pas-de-Calais | 63 Puy-de-Dôme | 64 Pyrénées-Atlantiques | 65 Hautes-Pyrénées | 66 Pyrénées-Orientales | 67 Bas-Rhin | 68 Haut-Rhin | 69 Rhône| 70 Haute-Saône | 71 Saône-et-Loire | 72 Sarthe | 73 Savoie | 74 Haute-Savoie | 75 Parys | 76 Seine-Maritime | 77 Seine-et-Marne | 78 Yvelines | 79 Deux-Sèvres | 80 Somme | 81 Tarn | 82 Tarn-et-Garonne | 83 Var | 84 Vaucluse | 85 Vendée | 86 Vienne | 87 Haute-Vienne | 88 Vosges | 89 Yonne | 90 Territoire de Belfort | 91 Essonne | 92 Hauts-de-Seine | 93 Seine-Saint-Denis | 94 Val-de-Marne | 95 Val-d'Oise |  
Oorsese départements (Départements d’outre-mer
971 Guadeloupe | 972 Martinique | 973 Frans-Guyana | 974 Réunion | 976 Mayotte  
Andere oorsese gebiede:  
Oorsese kollektiewe gebiede (Collectivités d’outre-mer
Saint-Martin (collectivité territoriale) | 975 Sint Pierre en Miquelon (collectivité territoriale) | Sint Bartholomeus‎ (collectivité territoriale) | 986 Wallis en Futuna (territoire) | 987 Frans-Polinesië (pays d’outre-mer)  
Spesiaal statuut (Statut spécifique
Nieu-Kaledonië  
Onbewoonde gebiede (Territoires inhabités
Franse Suidelike en Antarktiese Gebiede | Clipperton

Die administratiewe verdeling van Frankryk: Régions - Départements - Arrondissemente - Kantons - Communes