Amiens

in Wikipedia, die vrye ensiklopedie
Spring na: navigasie, soek
Amiens
Uitsig oor Amiens
Uitsig oor Amiens
Official seal of Amiens
Seël
Ligging van Amiens op 'n kaart (Frankryk)
Amiens
Amiens
Koördinate: 49°53′31.2″N 2°17′56.4″O
Land Vlag van Frankryk Frankryk
Gewes Pikardië
Département Somme
Arrondissement Amiens
Stigting 1ste eeu v.C.
Regering
 - Burgemeester Gilles Demailly
Oppervlak
 - Stad 49,46 km²  (19,10 vk m)
Hoogte 14-106 m (46-348 vt)
Bevolking (1 Januarie 2010)
 - Stad 133 448
 - Digtheid 2 698/km² (6 987/vk m)
Webwerf: www.amiens.fr

Amiens [a'mjɛ̃] is die prefektuur of administratiewe setel van die Noord-Franse gewes Pikardië, die département Somme asook die gelyknamige canton en arrondissement. Sy bevolking het in 2010 sowat 133 448 beloop wat van Amiens die 28ste grootste stad in Frankryk gemaak het.

Die vroegste historiese bronne uit die 1ste eeu v.C. verwys na die Kelties-Galliese nedersetting Samarobriva ("Brug oor die Somme-rivier"). Ná die Romeinse verowering van Gallië het dit as Ambianum bekend gestaan - 'n naam wat na sy bewoners, die Ambiani verwys het en waaruit die huidige Franse stadsnaam sou ontwikkel. Met 'n bevolking van 25 000 was Ambianum teen die einde van die 1ste eeu n.C. een van die belangrikste nedersettings in die destydse Romeinse provinsie Gallia Belgica.

Amiens staan veral bekend vir sy Gotiese katedraal Notre-Dame en sy hortillonnages, tuine wat in die vleigebiede tussen die Somme- en Avre-riviere aangelê is en deur 'n netwerk van mensgemaakte kanale, wat plaaslik rieux genoem word, omsluit word. Dikwels word na die tuine, wat sowat 300 hektaar beslaan, as "Klein-Venesië van die Noorde" verwys. Die katedraal Notre-Dame - een van die grootste klassieke Gotiese katedrale wat in die 13de eeu ontstaan het - is in 1981 deur Unesco as wêrelderfenis gelys.

In literêre opsig word Amiens met Jules Vernes verbind. Die bekende 19de eeuse Franse wetenskapsfiksieskrywer het hom in 1871 hier gevestig en is ná sy afsterwe in 1905 op Amiens se La Madeleine-begraafplaas ter ruste gelê.