Marakele- Nasionale Park

Marakele- Nasionale Park
Uitsig vanaf Waterberg in die Marakele- Nasionale Park
Land	Suid-Afrika
Provinsie	Limpopo
Naaste dorp	Thabazimbi
Marakele- Nasionale Park
Koördinate: 24°23′20″S 27°37′0″O
Oppervlak	67 000 ha
Openingsjaar	1994
Bestuursliggaam	SANParke
Webblad	Marakele- Nasionale Park

Die Marakele- Nasionale Park is geleë in Limpopo, 15 km noordoos van Thabazimbi. Die park is 67 000 ha groot. Die dorp Matlabas is langs die park geleë. Deinende heuwels, diep klowe, hoë plato's en loodregte kranse van oor die 100 m gee dit 'n eiesoortige karakter. Drie riviere ontspring in die park: die Matlabasrivier, die Mambarivier en die Sterkstroomrivier. Al drie is belangrike sytakke van die Limpoporivier.

Geskiedenis

Die park het aanvanklik ontstaan as die Kransberg Nasionale Park in 1994 maar is later vergroot en hernoem as Marakele.

Soogdiere

• 
  Savanne-olifant
• 
  luiperd
• 
  waterbok
• 
  Eland
• 
  Kameelperd
• 
  Swartrenoster
• 
  Witrenoster
• 
  Basterhartbees
• 
  Duiker
• 
  Koedoe
• 
  Swartwildebees
• 
  Rooiribbok
• 
  Rooibok
• 
  Steenbok
• 
  Klipspringer

• 
  Rooikat
• 
  Rooijakkals
• 
  Graatjiemeerkat.

Die diere wat in die park voorkom, sluit die volgende in: koedoes, bosbokke, rooiribbokke, klipspringers, gewone duikers, rietbokke, steenbokkies, vlakvarke en bosvarke. Erdvarke is redelik volop. Kleiner soogdiere sluit in die kolhaas, Jameson se rooi klipkonyn en klipklaasneuse. Die luiperd is die grootste roofdier hier en daar kom ook bruin hiënas en rooikatte voor. Hier is al 178 voëlsoorte waargeneem, waaronder die bedreigde kransaasvoël.

Plantelewe

Die park is ryk aan flora. Opregte geelhout, die bergsipres, die boomvaring en agt verskillende soorte orgideë kom voor. ALtesame 96 plantfamilies is reeds in die park opgeteken. 'n Uitsondelrlike plant wat jare gelede deur die befaamde skrywer Eugene Marais ontdek is, die bergpalm, groei in die park.

Bome

• 
  Acacia erioloba (Kameeldoring)
• 
  Acacia tortilis
  (Haak-en-Steek)
• 
  Acacia mellifera (Swarthaak)
• 
  Ziziphus mucronata (Blinkblaar-wag-'n-bietjie)

Huisvesting

Twee tentkampe is aangelê in Marakele, naamlik Tlopi en Bontle. Volgens SANParke se webblad word daar tussen April en September 2013 nog 8 tenteenhede aangebou by Bontle, maar die kampterrein sal steeds oop wees vir besoekers.

Bron

• Stuart, Chris & Mathilde (2012). National Parks and Nature Reserves. Struik Travel and Heritage. ISBN 978-1-77007-742-3.