Haak-en-steek
| Haak-en-steek | |
|---|---|
| |
| 'n Haak-en-steek in die Serengeti | |
| Wetenskaplike klassifikasie | |
| Koninkryk: | |
| (klade): | |
| (klade): | |
| (klade): | |
| Orde: | |
| Familie: | |
| Genus: | |
| Spesie: | A. tortilis
|
| Binomiale naam | |
| Acacia tortilis | |
| |
| Verspreiding | |
Die Haak-en-steek (Acacia tortilis) is 'n droogtebestande doringboomspesie wat wydverspreid in woestyn-, halfwoestyn- en savannestreke aangetref word. Volwasse bome ontwikkel 'n plat of effens geronde kroon, en die twee doringtipes waarna dit vernoem is, is maklik sigbaar. Die peule word deur wild en vee gevreet wat dan die sade versprei.
Inheemse name vir die boom sluit in Mosu of Mosunyana in Tswana, umSasane in Zoeloe en Umbrella thorn in Engels.[1]
Verspreiding[wysig | wysig bron]
Dit kom voor van die woestynstreke in die Midde-Ooste en suidwaarts tot in Suid-Afrika. In Suider-Afrika is dit teenwoordig in Mosambiek, Zimbabwe, Botswana, Namibië, eSwatini en die sentrale en noordelike dele van Suid-Afrika. In Suider-Afrika toon dit 'n voorkeur vir droë, laagliggende bosveld en grasveld.
Beskrywing[wysig | wysig bron]
Die kroon is aanvanklik gerond, maar word platter namate dit groter raak. Dié boom verskil van baie ander akasias deurdat dit reguit sowel as gekromde dorings het. Albei soorte dorings groei dikwels saam op dieselfde takkie wat aanleiding gee tot die naam haak-en-steek. Ander akasias met reguit en krom dorings is die rooihaak of vals-haak-en-steek (A. reficiens), die trassiedoring (A. hebeclada) en die buikdoring (A. luederitzii).
Die blomme word in wit of roomkleurige hofies gedra. Die boom se saad word in peule gedra wat 5 tot 9 mm breed en op kenmerkende wyse verdraai is. Dié verdraaide peule en die kombinasie van haak- en reguit dorings maak dit maklik om die boom uit te ken.
In blomtyd (November) op die Springbokvlakte 
blomhofies en dorings 
loof en dorings 
sade
Kyk ook[wysig | wysig bron]
Eksterne skakels[wysig | wysig bron]
Wikimedia Commons het meer media in die kategorie Haak-en-steek.
Wikiwoordeboek het 'n inskrywing vir haak-en-steek.
Wikispecies het meer inligting verwant aan: Haak-en-steek
Bronne[wysig | wysig bron]
- Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
- ↑ Van Wyk, Piet (2008). Field guide to the TREES of the Kruger National Park. Kaapstad: Struik. p. 76. ISBN 978-1-77007-759-1.
