Marek Janowski

in Wikipedia, die vrye ensiklopedie
Jump to navigation Jump to search
Marek Janowski
Marek-Janowski-3098925BW.jpg
Marek Janowski (2016)
Geboorte18 Februarie 1939
Warskou
Beroep(e)Dirigent, komponis
Genre(s)Klassiek
Portal.svg Musiekportaal

Marek Janowski (* 18 Februarie 1939 in Warskou) is 'n Pools-gebore Duitse dirigent.

Janowski het in Wuppertal naby Keulen grootgeword nadat sy moeder aan die begin van die Tweede Wêreldoorlog daarna verhuis het ten einde nader aan haar ouers te wees. Sy vader het gedurende die oorlog in Pole vermis geraak.[1]

Janowski het gedien as die musikale direkteur in Freiburg en by die Dortmund Opera het hy die Dortmunder Philharmoniker gedirigeer vanaf 1973 tot 1979. Van 1983 tot 1987 was hy die hoofdirigent van die Royal Liverpool Filharmoniese Orkes. Hy het van 1986 tot 1990 gedien as Kapellmeister van die Gürzenich Orkes in Keulen. Vroeër, in 1984, het hy die musikale direkteur van die Orchestre Philharmonique de Radio France (toe die Nouvel Orchestre Philharmonique genoem) in Parys geword, welke posisie hy tot die jaar 2000 gehou het. Van 2000 tot 2009 het Janowski gedien as hoofdirigent van die Monte-Carlo Filharmoniese Orkes.[2] Hy was ook vanaf 2001 tot 2004 die hoofdirigent van die Dresden Filharmoniese Orkes.

Van 2002 tot en met 2016 was Janowski die hoofdirigent van die Berlyn Radio Simfonieorkes, aanvanklik was die betrekking lewenslank.[3][4] In die 2005/06-seisoen het Janowski sy pos as Artistieke en Musikale Direkteur van die Orchestre de la Suisse Romande (OSR) begin, met 'n aanvanklike kontrak van vyf jaar. In September 2008 is die kontrak met die OSR tot 2015 verleng.[5] In January 2010 het Kanowski en die OSR egter, in 'n wysiging aan die September 2008 kontrakverlenging, wedersyds ooreengekom op die geskeduleerde beeindiging van sy direkteurskap van die OSR na die 2011-2012 seisoen.[6]

Janowski het van 2001 tot 2003 gedien as die hoof-dirigent van die Dresden Filharmoniese Orkes. In September 2018 het die Dresden Filharmoniese Orkes die heraanstelling van Janowski as hul hoofdirigent aangekondig, met ingang van die 2019-2020 seisoen, met 'n aanvanklike kontrak van drie seisoene.[7]

Sedert 2005 het Janowski in die VSA as een van die dirigente gedien in 'n drieluik van die dirigent-leierskapsprogram met die Pittsburgh Simfonieorkes saam met Sir Andrew Davis en Yan Pascal Tortelier, met die voorsiening van leiding vir die orkes in die afwesigheid van 'n musikale direkteur. Hierdie reëling is in 2008 beëindig na die toetrede van Manfred Honeck as the PSO se musikale direkteur. Janowski hou nou die Otto Klemperer Gasdirigentstoel met die PSO. Hy het die vier simfonieë van Johannes Brahms met die PSO opgeneem.[8]

Janowski het 'n groot aantal operaopnames gemaak, insluitende die eerste digitale opname van die volledige Ringsiklus van Richard Wagner tussen 1980 en 1983 vir RCA, met die Staatskapelle Dresden. Hy en die orkes het vroeër die eerste opnames van Die schweigsame Frau deur Richard Strauss vir EMI in 1976 opgeneem, en in 1974 ook vir EMI die werk Euryanthe deur Carl Maria von Weber met Jessye Norman en Nicolai Gedda wat die leidende rolle sing. Ander opera "eerstes" was die eerste opname van Krzysztof Penderecki se Die Duiwels van Loudun met die Hamburg Staatsopera, kort nadat Janowski in 1969 die eerste opvoering van die werk gegee het.

Platelys[wysig | wysig bron]

Verwysings[wysig | wysig bron]

  1. Andrew Druckenbrod (2008-02-01). "PSO greeted by carnival atmosphere in Cologne; makes 'special' visit to Wuppertal". Pittsburgh Post-Gazette. Besoek op 2009-03-15. 
  2. Kevin Shihoten (23 Oktober 2007). "Monte Carlo Philharmonic Names New Director". Playbill Arts. Besoek op 25 Oktober 2007. 
  3. "Der Dirigent Marek Janowski wird 70". Die Welt. 2009-02-18. Besoek op 2009-03-15. 
  4. Peter Uehling (2015-09-22). "Vladimir Jurowski wird RSB-Chefdirigent". Berliner Zeitung. Besoek op 2015-09-23. 
  5. "L'Orchestre de la Suisse romande conforte son avenir et offre un CD à tous les Genevois". Tribune de Genève. 2009-09-05. Besoek op 2009-03-20. 
  6. Sylvie Bonier (2010-01-21). "Marek Janowski quittera l'OSR en 2012". Tribune de Genève. Besoek op 2010-10-16. 
  7. "Rückkehr zur Dresdner Philharmonie: Marek Janowski neuer Chefdirigent". BR-Klassik. 2018-09-19. Besoek op 2018-09-19. 
  8. Andrew Druckenbrod (2007-08-28). "Music Review: First PSO Brahms disc strong, but not electrifying". Pittsburgh Post-Gazette. Besoek op 2009-03-15. 

Eksterne skakels[wysig | wysig bron]

Kulturele poste
Voorafgegaan deur
Gilbert Amy
Musikale Direkteur, Orchestre Philharmonique de Radio France
1984–2000
Opgevolg deur
Myung-whun Chung
Voorafgegaan deur
Yuri Ahronovitch
Kapellmeister, Gürzenich Orkes Cologne
1986–1990
Opgevolg deur
James Conlon