Mark Ruffalo

in Wikipedia, die vrye ensiklopedie
Mark Ruffalo
'n Beeld van die betrokke persoonlikheid.
Mark Ruffalo in Junie 2014.

Geboortenaam Mark Alan Ruffalo
Geboorte 22 November 1967 (1967-11-22) (56 jaar oud)
Kenosha, Wisconsin, VSA
Nasionaliteit Amerikaans
Lewensmaat In 2000 getroud met Sunrise Coigney
Kinders 3
Beroep(e) Akteur, vervaardiger, aktivis, regisseur, humanitaris
Aktiewe jare 1988–tans
Internet-rolprentdatabasis-profiel

Mark Alan Ruffalo (geb. 22 November 1967)[1] is ’n Amerikaanse akteur, vervaardiger, aktivis, regisseur en humanitaris. Hy het die rol van die Marvel Comics-karakter dr. Bruce Banner/die Hulk in 2012 in The Avengers en in 2015 in Avengers: Age of Ultron vertolk.

Vroeë lewe[wysig | wysig bron]

Ruffalo is in Kenosha, Wisconsin, gebore. Sy pa, Frank Lawrence Ruffalo jr., was ’n verwer en sy ma, Marie Rose Hebert, ’n haarkapper en stilis.[2][3][4] Hy het twee susters, Tania en Nicole, en ’n broer wat in 2008 dood is.[2] Sy pa is van Italiaanse afkoms en sy ma is half-Frans-Kanadees en half-Italiaans.[5]

Ruffalo het homself al as ’n gelukkige kind beskryf,[6] hoewel hy as kind en jong volwassene aan ongediagnoseerde disleksie en aandaggebrek-hiperaktiwiteitsteuring (AGHS) gelei het.[7] Hy het in Virginië grootgeword, waar sy pa gewerk het, en het op skool aan stoei deelgeneem. Hy het saam met sy gesin na San Diego in Kalifornië verhuis en daarna na Los Angeles. Hy was vir ’n paar produksies vir die Orpheus Theatre Company skrywer, regisseur en akteur en het amper ’n dekade lank as kroegman gewerk.[8]

Loopbaan[wysig | wysig bron]

Ná die rol waarmee hy aandag getrek het in You Can Count on Me (2000), het hy in hoogs aangeskrewe prente verskyn soos Collateral (2004), Eternal Sunshine of the Spotless Mind (2004), Zodiac (2007) en Shutter Island (2010). Vir sy spel in The Kids Are All Right (2010) en Foxcatcher (2014) is hy benoem vir ’n Oscar en Golden Globe vir beste manlike byspeler.[2] In 2015 het hy weer lof en verskeie benoemings gekry vir sy spel in Infinitely Polar Bear en Spotlight.

Vir televisie het hy ’n Screen Actors Guild-prys gewen en ’n Emmy- en Golden Globe-benoeming gekry vir The Normal Heart, wat hy ook vervaardig het.

Persoonlike lewe[wysig | wysig bron]

Ruffalo is sedert Junie 2000 getroud met Sunrise Coigney en hulle het drie kinders: die seun Keen (geb. 2001) en dogters Bella Noche (geb. 2005) en Odette (geb. 2007). Hulle woon in Manhattan.[9]

Ná die voltooiing van die prent The Last Castle in 2001 is Ruffalo gediagnoseer met ’n soort breingewas en is hy geopereer. Die gewas was goedaardig, maar het gelei tot ’n tydperk van gedeeltelike gesigsverlamming.[3] Hy het van die verlamming herstel, maar is sedertdien doof in sy linkeroor.[7]

Op 1 Desember 2008 is Ruffalo se broer, Scott, by sy huis in Beverly Hills geskiet.[10] Volgens een berig was dit ’n skoot in ’n teregstellingstyl van agter in die kop.[11] Hy is op 8 Desember dood. Die polisie het twee mense, ’n man en vrou, in hegtenis geneem.[12] Die vrou se prokureur het vir die polisie gesê Scott Ruffalo het homself per ongeluk geskiet.[13][14] Die vroulike verdagte is op 6 Januarie 2012 dood.[15]

Politieke sienings[wysig | wysig bron]

Op 4 Oktober 2006 het hy op die daaglikse nuusprogram Democracy Now! verskyn en gepraat teen die oorlog in Irak, marteling en die administrasie van George W. Bush. Hy het op 14 Augustus 2008 op ’n program van Penn & Teller: Bullshit! verskyn met die titel "Wêreldvrede"[16] en is ’n voorstander van keuses vir ’n mens. Hy het gesê hy wil nie hê die tyd moet teruggaan na waar vroue hul swangerskappe onwettig laat beëindig het nie.[17]

Hy is ook ’n ondersteuner van LGBT-regte en is gekant teen hidrobreking (fracking). In 2008 het hy die bekendste teenstander daarvan geword nadat hy sy eie ondersoek oor die onderwerp gedoen het.[18] Hy het in verskeie programme verskyn om daaroor te praat.[19][20][21] In 2014 het hy ’n rol in ’n dokumentêr gespeel oor die gevolge van ’n groot olielekking.[22]

Filmografie[wysig | wysig bron]

Ruffalo in 2012 op die Toronto-première van The Avengers.

Rolprente[wysig | wysig bron]

Jaar Titel Rol Notas
1992 Rough Trade Hank Kortfilm
1994 Mirror, Mirror 2: Raven Dance Christian
1994 There Goes My Baby J.D.
1995 Mirror, Mirror III: The Voyeur Joey
1996 The Destiny of Marty Fine Brett
1996 The Dentist Steve Landers
1996 Blood Money Attorney
1996 The Last Big Thing Brent Benedict
1998 Safe Men Frank
1998 54 Ricko
1999 How Does Anyone Get Old? Johnnie Kortfilm
1999 A Fish in the Bathtub Joel
1999 Ride with the Devil Alf Bowden
2000 You Can Count on Me Terry Prescott
2000 Committed T-Bo
2001 The Last Castle Yates
2001 Apartment 12 Alex
2002 XX/XY Coles
2002 Windtalkers Weerman Pappas
2003 My Life Without Me Lee
2003 View from the Top Ted Stewart
2003 In the Cut Speurder Giovanni A. Malloy
2004 We Don't Live Here Anymore Jack Linden Ook uitvoerende vervaardiger
2004 Eternal Sunshine of the Spotless Mind Stan
2004 13 Going on 30 Matt Flamhaff
2004 Collateral Ray Fanning
2005 Just Like Heaven David Abbott
2005 Rumor Has It... Jeff Daly
2006 All the King's Men Adam Stanton
2007 Chicago 10 Jerry Rubin (stem)
2007 Zodiac Inspekteur Dave Toschi
2007 Reservation Road Dwight Arno
2008 Blindness Dokter
2008 What Doesn't Kill You Brian Reilly
2009 The Brothers Bloom Stephen
2009 Where the Wild Things Are Adrian
2009 Sympathy for Delicious Joe Ook regisseur en vervaardiger
2010 The Kids Are All Right Paul Hatfield
2010 Shutter Island Chuck Aule / dr. Lester Sheehan
2010 Date Night Brad Sullivan
2011 Margaret Gerald Maretti
2012 The Avengers Dr. Bruce Banner / die Hulk
2013 Thanks for Sharing Adam
2013 Iron Man 3 Dr. Bruce Banner Geen erkenning
2013 Now You See Me Dylan Rhodes
2013 Begin Again Dan Mulligan
2014 Infinitely Polar Bear Cam Stuart Ook uitvoerende vervaardiger
2014 Foxcatcher Dave Schultz
2015 Avengers: Age of Ultron Dr. Bruce Banner / die Hulk
2015 Spotlight Michael Rezendes
2016 Now You See Me 2 Dylan Rhodes

Televisie[wysig | wysig bron]

Jaar Titel Rol Notas
1989 CBS Summer Playhouse Michael Dunne Episode: "American Nuclear"
1994 Due South Vinnie Webber Episode: "A Cop, a Mountie, and a Baby"
1997 On the 2nd Day of Christmas Bert TV-fliek
1998 Houdini Theo TV-fliek
2000 The Beat Zane Marinelli 8 episodes
2008 Penn & Teller: Bullshit! Homself Episode: "Wêreldvrede"
2014 The Normal Heart Alexander 'Ned' Weeks TV-fliek; ook uitvoerende vervaardiger

Pryse[wysig | wysig bron]

Jaar Prys Werk
2000 Boston Society of Film Critics Award vir beste akteur(3de plek) You Can Count on Me
Los Angeles Film Critics Association New Generation Award
Montreal-rolprentfeesprys vir beste akteur
National Society of Film Critics Award vir beste akteur (2de plek)
San Diego Film Critics Society Award vir beste akteur (2de plek)
Southeastern Film Critics Association Award vir beste akteur (3de plek)
Toronto Film Critics Association Award vir beste akteur (2de plek)
2009 Sundance Film Festival Special Jury Prize Sympathy for Delicious
2010 Boston Society of Film Critics Award vir beste akteur (2de plek) The Kids Are All Right
New York Film Critics Circle Award vir beste manlike byspeler
2012 MTV Movie Award vir beste geveg The Avengers
2014 Emmy vir uitnemende TV-rolprent (medevervaardiger) The Normal Heart
Satellite Award vir beste akteur
Screen Actors Guild Award vir uitmentende spel
Hollywood Film Award vir beste span Foxcatcher
Gotham Independent Film Jury Award
2015 Gotham Independent Film Awards vir beste span Spotlight
Independent Spirit Award
Satellite Award vir beste span

Verwysings[wysig | wysig bron]

  1. "Monitor". Entertainment Weekly. No. 1182. 25 November 2011. p. 30.
  2. 2,0 2,1 2,2 "Mark Ruffalo". Inside the Actors Studio (Bravo!). 2007-03-19. http://www.imdb.com/title/tt1013112/. No. 6, season 13. 
  3. 3,0 3,1 Radar, Dotson (9 Mei 2004). "I Wouldn't Give Any Of It Back". Parade (in Engels). Geargiveer vanaf die oorspronklike op 14 Januarie 2009. Besoek op 20 September 2007.
  4. Baldassarre, Angela (4 Maart 2007). "On the trail of a real-life serial killer". Tandem (in Japannees). Canada. Geargiveer vanaf die oorspronklike op 6 November 2018. Besoek op 20 September 2007.
  5. Wloszczyna, Susan (15 September 2005). "Ruffalo ascends to the next level in 'Heaven'". USA Today (in Engels). Geargiveer vanaf die oorspronklike op 6 November 2018. Besoek op 20 Desember 2013. Ruffalo, an Italian-French-Canadian mix,,,
  6. Pearlman, Cindy (25 Februarie 2007). "Working on a killer movie". Chicago Sun-Times (in Engels). Geargiveer vanaf die oorspronklike op 16 Oktober 2007. Besoek op 20 September 2007.
  7. 7,0 7,1 Hiatt, Brian (4 Mei 2015). "The Hulk: The Last Angry Man". Rolling Stone (in Engels). Wenner Media, Ltd. Geargiveer vanaf die oorspronklike op 14 Oktober 2017. Besoek op 5 Mei 2015.
  8. Dumenco, Simon. "The Kid Stays In the Pictures". New York Magazine (in Engels). New York Media, LLC. Geargiveer vanaf die oorspronklike op 19 November 2018. Besoek op 16 Desember 2015.
  9. Ellis, Josh. "Mark Ruffalo's Good Life Formula: 3 Kids, 1 Rabbit, 47 acres, 2,764 Miles From Hollywood"[dooie skakel], Men's Journal. Junie 2013; URL besoek op 26 April 2015.
  10. Jones, Oliver (3 Desember 2008). "Mark Ruffalo's Brother Shot in the Head". People (in Engels). Geargiveer vanaf die oorspronklike op 6 November 2018.
  11. "Scott Ruffalo still in critical condition". Boston Herald (in Engels). 5 Desember 2008. Geargiveer vanaf die oorspronklike op 13 Augustus 2012.
  12. "Scott Ruffalo Dies from Gunshot Wound". People (in Engels). 9 Desember 2008. Geargiveer vanaf die oorspronklike op 6 November 2018.
  13. Dillon, Nancy (9 Desember 2008). "Actor Mark Ruffalo's brother, Scott, died after playing Russian Roulette, says murder suspect". Daily News (in Engels). New York-stad. Geargiveer vanaf die oorspronklike op 8 Februarie 2009. Besoek op 17 Januarie 2016.
  14. "Autopsy scheduled for Scott Ruffalo". Los Angeles: KABC-TV. 11 Desember 2008. Geargiveer vanaf die oorspronklike op 16 Oktober 2014.
  15. Blankstein, Andrew (29 Februarie 2012). "Death of Mark Ruffalo's brother: Key witness may have overdosed". Los Angeles Times (in Engels). Geargiveer vanaf die oorspronklike op 15 Februarie 2020. Besoek op 26 April 2015.
  16. "YouTube – "World Peace" with Penn and Teller". YouTube.com. Besoek op 12 November 2012.
  17. Kira Cochrane (19 Augustus 2013). "Mark Ruffalo's pro-choice stance on abortion rights sets a powerful example". The Guardian. Besoek op 20 Augustus 2013.
  18. "Fracklash" (in Engels). New York magazine. 10 September 2012. Geargiveer vanaf die oorspronklike op 6 April 2020.
  19. Mark Ruffalo Speaks Out Against Fracking Practices on The Rachel Maddow Show Geargiveer 27 April 2014 op Wayback Machine, commondreams.org, 5 Oktober 2010.
  20. "Web Extra: Countdown Contributor Mark Ruffalo on Fracking – Countdown with Keith Olbermann". Current.com. 13 Julie 2011. Besoek op 15 Augustus 2012.[dooie skakel]
  21. "Mark Ruffalo" (in Engels). Geargiveer vanaf die oorspronklike op 1 Maart 2020. Besoek op 8 Januarie 2013.
  22. Teitell, Beth (30 September 2014). "Mark Ruffalo goes wading in the Charles River" (in Engels). The Boston Globe. Geargiveer vanaf die oorspronklike op 28 April 2020. Besoek op 30 September 2014.

Eksterne skakels[wysig | wysig bron]