Mark van Bommel
.jpg) Van Bommel in 2010 | |||
| Persoonlike inligting | |||
|---|---|---|---|
| Geboortedatum | 22 April 1977 | ||
| Geboorteplek | Maasbracht, Limburg, Nederland | ||
| Lengte | 1,87 m | ||
| Speelposisie | Verdedigende middelvelder | ||
| Jeugloopbaan | |||
| 1985–1992 | RKVV Maasbracht | ||
| Seniorloopbaan* | |||
| Jare | Span | Kere† | (Doele)† |
| 1992–1999 | Fortuna Sittard | 153 | (13) |
| 1999–2005 | PSV | 169 | (46) |
| 2005–2006 | Barcelona | 24 | (2) |
| 2006–2011 | Bayern München | 123 | (11) |
| 2011–2012 | Milan | 39 | (0) |
| 2012–2013 | PSV | 28 | (6) |
| Totaal | 536 | (78) | |
| Nasionale span | |||
| 1996–2000 | Nederland o/21 | 27 | (3) |
| 2000–2012 | Nederland | 79 | (10) |
| Spanne bestuur | |||
| 2018–2019 | PSV | ||
| 2021 | VfL Wolfsburg | ||
| 2022–2024 | Royal Antwerp | ||
| * Kere vir seniorklub uitgedraf en doele is net vir die plaaslike liga.. † Kere uitgedraf (Doele). | |||
Mark Peter Gertruda Andreas van Bommel (gebore 22 April 1977) is ’n Nederlandse sokkerafrigter en voormalige speler wat as middelvelder gespeel het. Sy FIFA Wêreldbeker-profiel beskryf hom as "’n skopmasjien en meester in die herwinning van die bal, maar hy beskik ook oor ’n uitstekende reeks aangeë en ’n kragtige skoot, en was gedurende sy PSV-dae ’n vryskopspecialis".[1]
Hy het in die Nederlandse Eredivisie met PSV, die Spaanse La Liga met Barcelona, die Duitse Bundesliga met Bayern München en die Italiaanse Serie A met Milan gespeel én gewen. Tussen 2000 en 2011 het hy agt nasionale ligatitels in vier verskillende kompetisies gewen: vier met PSV, twee met Bayern, een met Barcelona en een met Milan. Van Bommel het die UEFA Champions League in 2005–06 met Barcelona gewen en was Bayern se eerste buitelandse kaptein. By Bayern het hy die span na twee Bundesliga-titels gelei en was hy ook kaptein toe hulle in die eindstryd van die UEFA Champions League in 2010 as naaswenner geëindig het.
Van 2000 tot 2012 was Van Bommel deel van die Nederlandse nasionale span en het 79 wedstryde gespeel. Hy was deel van die spanne wat aan die 2006 FIFA Wêreldbeker deelgeneem het, tweede geëindig het by die 2010 FIFA Wêreldbeker en aan UEFA Euro 2012 deelgeneem het.
Hy het sy afrigterloopbaan begin as jeugafrigter en assistent van sy skoonpa en voormalige nasionale afrigter, Bert van Marwijk. Daarna het hy self as hoofafrigter opgetree by PSV, VfL Wolfsburg en Royal Antwerp, waar hy in die seisoen 2022–23 die Belgiese Premierliga en Beker dubbel gewen het.
Van Bommel is getroud met Andrea, die dogter van Bert van Marwijk, en hulle het drie kinders: Thomas, Ruben en Renée.[2]
Loopbaan
[wysig | wysig bron]| Seisoen | Klub | Land | Kompetisie | Wedstryde | Doelpunte |
|---|---|---|---|---|---|
| 1992/99 | Fortuna Sittard |  Nederland | Eerste divisie | 153 | 13 |
| 1999/05 | PSV Eindhoven | Nederland | Eredivisie | 169 | 46 |
| 2005/06 | FC Barcelona |  Spanje | Primera División | 24 | 2 |
| 2006/11 | FC Bayern München |  Duitsland | Bundesliga | 123 | 11 |
| 2011/12 | AC Milan |  Italië | Serie A | 39 | 0 |
| 2012/13 | PSV Eindhoven | Nederland | Eredivisie | 28 | 6 |
Verwysings
[wysig | wysig bron]- ↑ "Player Profile". FIFA. Geargiveer vanaf die oorspronklike op 7 Oktober 2013. Besoek op 23 April 2012.
- ↑ "Mark van Bommel". fcbayern.de. Besoek op 22 Maart 2009.