Nederlandse nasionale sokkerspan

Nederland
Volle naam	Nederlandse nasionale sokkerspan
Bynaam/me	Holland Oranje
Beheerliggaam	Koninklijke Nederlandse Voetbalbond (KNVB)
Konfederasie	UEFA
Afrigter	Ronald Koeman
Kaptein	Virgil van Dijk
Tuiskleure 　 Wegkleure

Die eerste Nederlandse nasionale sokkerspan in 1905.

Die Nederlandse nasionale sokkerspan (Nederlands: Nederlands voetbalelftal) is die mans-sokkerspan wat Nederland in internasionale kompetisies verteenwoordig.

Die span het sedert 1905 die Nederland in internasionale mansokkerwedstryde verteenwoordig. Die nasionale span word beheer deur die Koninklike Nederlandse Voetbalbond (KNVB), die beheerliggaam vir sokker in Nederland, wat deel is van UEFA en onder die jurisdiksie van FIFA val. Die meeste van Nederland se tuiswedstryde word gespeel by die Johan Cruyff Arena, De Kuip, Philips Stadion en De Grolsch Veste.

Die span staan in die volksmond bekend as Het Nederlands Elftal (“Die Nederlandse Elf”) of Oranje, na die Huis van Oranje-Nassau en hul kenmerkende oranje truie. In informele gebruik word die span, net soos die land self, dikwels Holland genoem. Hul ondersteunersklub staan bekend as Het Oranje Legioen (“Die Oranje Legioen”).

Nederland het aan elf FIFA Sokker-Wêreldbekertoernooie deelgeneem en drie keer die eindstryd gehaal (in 1974, 1978 en 2010), waar hulle elke keer as naaswenners geëindig het. Hulle het ook aan elf Europese Kampioenskappe deelgeneem en die 1988-toernooi in Wes-Duitsland gewen nadat hulle die Sowjetunie met 2–0 in die eindstryd geklop het. Daarbenewens het die span bronsmedaljes verower by drie Olimpiese sokkertoernooie – in 1908, 1912 en 1920.

Mededinging

Die Oranje het sterk mededinging met die nasionale sokkerspanne van hulle nabuurlande Duitsland en België. Die mededinging met België is vriendskaplik. Die Derby van die lae lande is al 129 keer gespeel (vanaf die jaar 2022). Nederland het 57 keer gewen en België 41 keer. Hierdie derby leef meer in België as in Nederland.

Die mededinging met die Duitse nasionale sokkerspan is baie sterker, want beide lande speel 'n belangrike rol in die internasionale sokker. Nederland – Duitsland is miskien die swaarste derby in internasionaal sokker. By die FIFA Sokker-Wêreldbekertoernooi in 1974 in Duitsland het die Duitse span Nederland in die eindstryd geklop. In 1988 (by die UEFA Europa-beker in Duitsland) het Oranje Duitsland uitgeklop in die halfeindronde. Die wedstryd is 38 keer gespeel (vanaf 2024), waarby Duitsland 18 keer het gewen en Nederland 12 keer.

Erelys

• Wêreldbeker

(naaswenner (3): 1974, 1978, 2010)

• Europa-beker (1)

1988

Meeste verskynings

Wesley Sneijder in 2014

Posisie	Speler	Kere uitgedraf	Doele	Loopbaan
1	Wesley Sneijder	134	31	2003–2018
2	Edwin van der Sar	130	0	1995-2008
3	Frank de Boer	112	13	1990–2004
4	Rafael van der Vaart	109	25	2001-2013
5	Daley Blind	108	3	2013–2024
6	Memphis Depay	106	54	2013–tans
6	Giovanni van Bronckhorst	106	6	1996–2010
8	Dirk Kuyt	104	24	2004–2014
9	Robin van Persie	102	50	2005–2017
10	Phillip Cocu	101	10	1996–2006

Top puntemakers

Nederland se topskutter, Memphis Depay, neem ’n vryskop in ’n vriendskaplike wedstryd teen Engeland in Maart 2018.

Posisie	Speler	Doele	Kere uitgedraf	Loopbaan
1	Memphis Depay	54	106	2013–tans
2	Robin van Persie	50	102	2005–2017
3	Klaas-Jan Huntelaar	42	76	2006–2015
4	Patrick Kluivert	40	79	1994–2004
5	Dennis Bergkamp	37	79	1990–2000
5	Arjen Robben	37	96	2003–2017
7	Faas Wilkes	35	38	1946–1961
7	Ruud van Nistelrooy	35	70	1998–2011
9	Abe Lenstra	33	47	1940–1959
9	Johan Cruijff	33	48	1966–1977

Sien ook

• Nederlandse nasionale krieketspan
• Nederlandse nasionale rugbyspan