Meer van Genève

in Wikipedia, die vrye ensiklopedie
Spring na: navigasie, soek
Meer van Genève
Genfersee satellit.jpg
Satellietbeeld van die Meer van Genève
Genfersee DE.png
Kaart van die Meer van Genève
Koördinate: 46°26′N 6°33′O / 46.433°N 6.550°O / 46.433; 6.550Koördinate: 46°26′N 6°33′O / 46.433°N 6.550°O / 46.433; 6.550
Ligging: Frankryk, Switserland
Soort: Binnemeer
Oppervlakte: 580,03 km² (224 myl²)
Gemiddelde diepte: 154,4 m (507 vt)
Maksimum diepte: 310 m (1 020 vt)
Volume: 89 km³ (72 myl³)
Lengte: 73 km (45 myl)
Breedte: 14 km (8,7 myl)
Opvangsgebied: 7 975 km² (3 079 myl²)
Invloei: Rhône, Dranse
Uitvloei: Rhône
Eiland/e: Île de Peilz, Château de Chillon, Île de Salagnon, Île de la Harpe, Île Rousseau, Île de Choisi
Nedersettings: Genève (CH), Lausanne (CH), Evian (F), Montreux (CH), Thonon (F), Vevey (CH)
Die Meer van Genève tussen Glion en Caux
Die Meer van Genève ná 'n donderbui
'n Uitsig oor die dorpie Epesses en die Lavaux-wingerdterrasse wat deur Unesco tot wêrelderfenisgebied verklaar is

Die Meer van Genève (Frans: lac Léman of le Léman, selde lac de Genève; Duits: Genfersee, in Afrikaans soms ook Geneefse Meer genoem) is 'n uitgestrekte meer aan die noordekant van die Alpereeks wat administratief deel uitmaak van Switserland (59,5 persent van sy totale oppervlakte van 580 km2, kantonne Vaud/Waadt, Genève/Genf en Valais/Wallis) en Frankryk (40,5 persent, département Haute-Savoie). Die meer, wat teen die einde van verskeie koue periodes deur smeltwater van die Alpegletsers gevorm is, is een van die grootstes in Wes-Europa en die grootste langs die rivierloop van die Rhône. Dit is die grootste meer in Switserland en die diepste in Frankryk.

Die meer word tradisioneel verdeel in die Haut-Lac (of Bowemeer; die oostelike gedeelte vanaf Villeneuve tot die Lausanne-Evian-linie), die Grand-Lac (Groot Meer; die sentrale gedeelte tot die Nyon-Yvoire-linie) en die Petit-Lac (Klein Meer; die westelike gedeelte tot by Genève).

Met 'n waterinhoud van 89 miljard kubieke meter is die Meer van Genève die grootste soetwaterbekken van vastelandse Europa.[1] Die meer het 'n omvang van 156 km, waarvan 113 km op Switserse gebied. Die gemiddelde waterspieël van 372 m, wat seisoenale skommelinge toon, het in die afgelope eeue nouliks verander. Volgens die interkantonale ooreenkoms van 1884 word 'n stabiele waterpeil deur 'n dam naby die Pont de la Machine in Genève verseker. In skrikkeljare word die waterpeil met 0,5 m verlaag om die oewers skoon te maak en herstelwerk by hawens en damme te doen.

'n Deeglike wetenskaplike verkenning van die meer is deur vier duikbote gedoen, Auguste Piccard (PX-8) en F.-A. Forel (PX-28), albei gebou deur Jacques Piccard, en die Fins-Russiese Mir 1 en Mir 2.

Die grootste ramp in die gedokumenteerde geskiedenis van die meer is in 563 deur 'n aardverskuiwing naby Tauredunum en die daaropvolgende vloedgolf veroorsaak wat selfs verder afgeleë nedersettings soos Genève getref het.

Sien ook[wysig | wysig bron]

Verwysings[wysig | wysig bron]

Eksterne skakels[wysig | wysig bron]