Megaliet

in Wikipedia, die vrye ensiklopedie
Jump to navigation Jump to search
Stonehenge, in Wiltshire, Brittanje, is een van die bekendste megalitiese strukture in die wêreld.

’n Megaliet is ’n groot klip wat gebruik is om ’n struktuur of monument te maak, óf as ’n alleenstaande klip óf saam met ander klippe. Die woord megalities word gebruik in verband met strukture wat met groot klippe gebou is sonder die gebruik van sement of messelklei; dit dateer gewoonlik uit die voorgeskiedenis. Vir latere tydperke word die woord "monoliet", wat ’n oorvleuelende betekenis het, gewoonlik gebruik.

Die woord "megaliet" kom uit die antieke Griekse μέγας (mégas, "groot") en λίθος (líthos, "klip"). Megaliet dui ook op een of meer klippe wat vir ’n spesiale doel in spesifieke vorms gekap is.[1] Dit is al gebruik om geboue te beskryf wat deur mense uit baie tydperke en in baie wêrelddele gebou is. Die term is in 1849 die eerste keer in terme van Stonehenge gebruik deur die Engelse oudheidkundige Algernon Herbert.[2]

’n Groot verskeidenheid groot klippe word as megaliete beskou, waarvan die bekendstes nie graftombes is nie.[3] Dié konstruksies is hoofsaaklik in die Neolitiese tydperk gebou (hoewel vroeëre Mesolitiese voorbeelde bekend is) sowel as daarna, tot in die Koper- en Bronstydperk.[4]

Enkele voorbeelde[wysig | wysig bron]

Verwysings[wysig | wysig bron]

  1. Price, T. Douglas; Feinman, Gary M. (2005). "Glossary". Images of the Past (4de studente-uitg. uitg.). McGraw-Hill Higher Education. Geargiveer vanaf die oorspronklike op 30 September 2017. Besoek op 28 Julie 2018.
  2. Herbert, A. Cyclops Christianus, or the supposed Antiquity of Stonehenge. Londen, J. Petheram, 1849.
  3. "Glossary of Cemetery Terms". Rochester's History: An Illustrated Timeline. n.d. Definition of megalith. Geargiveer vanaf die oorspronklike op 5 Junie 2013. Besoek op 28 Julie 2018.
  4. Johnson, Walter (1908). Folk-Memory: Or, The Continuity of British Archaeology. Oxford: Clarendon Press. Besoek op 28 Julie 2018.

Eksterne skakels[wysig | wysig bron]