Michael Lucas

in Wikipedia, die vrye ensiklopedie
Jump to navigation Jump to search
Michael Lucas
'n Beeld van die betrokke persoonlikheid.
Lucas in 2019.

Geboortenaam Andrei Treiwas[1][2][3]
Alias Ramzes Kairoff
Michel Lucas
Michael Lucas
Geboorte 10 Maart 1972 (1972-03-10) (50 jaar oud) [2]
Moskou, Sowjetunie
Ouers Ljef Bregman,
Jelena Treiwas
Beroep(e) Pornografiese akteur, regisseur, joernalis, sakeman
Aktiewe jare 1996-tans[4]
Webwerf michaellucas.com
Internet-rolprentdatabasis-profiel

Michael Lucas (gebore Andrei Lwowitsj Treiwas; Russies: Андрей Львович Трейвас; 10 Maart 1972)[2] is 'n Russies-Joodse,[5] gay pornografiese akteur,[6] regisseur, joernalis en sakeman, en die stigter en hoof- uitvoerende beampte van Lucas Entertainment, Manhattan se grootste vervaardiger van gay pornografie. Hy was tot in 2019 ook 'n rubriekskrywer vir die LGBT-tydskrif The Advocate,[7] HuffPost[8] en Pink News[9]

Lewe en loopbaan[wysig | wysig bron]

Lucas is op 10 Maart 1972 in Moskou, Sowjetunie (nou Rusland) gebore vir Ljef Bregman, 'n ingenieur, en Jelena Treiwas, 'n onderwyseres. Hy is in 'n sekulêre Joodse gesin grootgemaak.[10] Hy het in 1997 na New York verhuis. Hy is veral bekend vir sy aktivisme en uitgesprokenheid.[3][11][12] Sy kritiek op dwelmgebruik en sy borgskap van advertensies oor die gevare van onbeskermde seks in die gay gemeenskap het daartoe gelei dat Harvey Fierstein vir The Advocate 'n onderhoud met hom gevoer het.[13]

Lucas het in 2009 die rolprent Men of Israel uitgereik, wat as sy belangrikste prent beskou word. Dit is in verskeie publikasies genoem as 'n landmerkprent: die eerste pornofliek met net Israeliese akteurs.[14][15][16] Lucas het die prent opgevolg met 'n gay toer deur Israel.[17]

Volgens hom is sy prent Michael Lucas' La Dolce Vita die duurste gay pornofliek wat ooit gemaak is, teen 'n koste van $250 000 en met kameeverskynings deur verskeie vermaaksterre.[3] In 2009 is Lucas in die GayVN-heldesaal opgeneem.[12] Hy het ook in 2009 in 'n artikel in die tydskrif New York verskyn oor mense wat met baie min in die stad aangekom en tog beroemd geraak het.[18]

Onlangse jare[wysig | wysig bron]

Lucas het in onlangse jare ook dokumentêre prente begin maak.[19] In 2012 het hy sy eerste dokkie uitgereik, oor die florerende Israeliese LGBT-gemeenskap. Dit het die titel Undressing Israel: Gay Men in the Promised Land,[20] en sluit tonele in van Tel Aviv se lewendige naglewe, 'n Israeliese selfdegeslaghuwelik en onderhoude met uiteenlopende Israeliese gays en lesbiërs, insluitende 'n gay militêre polisieman, gay weermagopleier, fopdosser, transvestiet en selfdegeslagouers en hulle kinders. In 2014 het hy sy tweede dokkie uitgereik: Campaign of Hate: Russia and Gay Propaganda. Dit gaan oor die huidige antigayklimaat in Rusland.[21]

Verwysings[wysig | wysig bron]

  1. US Passport of Michael Lucas
  2. 2,0 2,1 2,2 Foto van Lucas se geboortesertifikaat
  3. 3,0 3,1 3,2 Van Meter, William (19 Oktober 2006). "The Lion of Chelsea". New York Magazine. Besoek op 23 Februarie 2020.
  4. Adult Film Database
  5. Forward, The (17 Mei 2011). "Can gay porn save Israel's image?". Haaretz. Besoek op 2012-01-17.
  6. Bunder, Leslie (18 Augustus 2006), "Entertaining gay Israeli troops" Geargiveer 5 Junie 2011 op Wayback Machine, besoek by www.somethingjewish.co.uk op 3 September 2006.
  7. "Advocate.com". Gay News, LGBT Rights, Politics, Entertainment.
  8. "Michael Lucas". huffingtonpost.com. Geargiveer vanaf die oorspronklike op 2011-12-22. Besoek op 2012-01-17.
  9. "Michael Lucas Pink UK columns". Pinknews.co.uk. Besoek op 2014-03-01.
  10. "Gay Porn's Neocon Kingpin". CBS. 22 September 2009. Geargiveer vanaf die oorspronklike op 22 Oktober 2012. Besoek op 2012-05-02.
  11. Gay Porn's Neocon Kingpin Geargiveer 22 Oktober 2012 op Wayback Machine, James Kirchick, The New Republic via CBSNews.com, 20 Maart 2006.
  12. 12,0 12,1 GAYVN Announces 2009 Hall of Fame Inductees, Harker Jones, AVN, 12 Maart 2009.
  13. 22 Russians Who We Won't Let Vladimir Putin Forget Were LGBT advocate.com, 6 Augustus 2013
  14. Great Exxxpectations Geargiveer 30 Oktober 2010 op Wayback Machine, Wayne Hoffman, Tablet Magazine, 21 Julie 2009.
  15. Gay-Porn Mogul Hopes to Arouse Interest in Israel, David Graham, Newsweek, 23 September 2009.
  16. First-Ever All-Israeli Gay Porn Movie Geargiveer 11 Mei 2009 op Wayback Machine, DNA, 9 Mei 2009.
  17. Contributors, Advocate (9 Maart 2010). "Michael Lucas Wants to Take You To Israel". Advocate.com. Geargiveer vanaf die oorspronklike op 13 Maart 2010. Besoek op 2014-03-01.
  18. Waking Up to New York Geargiveer 1 April 2012 op Wayback Machine, New York Magazine, 10 April 2009.
  19. Huffington Post | Porn Magnate Michael Lucas To Release Documentary About Being Gay In Russia (VIDEO) | http://www.huffingtonpost.com/2014/02/20/michael-lucas-documentary-gay-russia_n_4816848.html
  20. Brian Schaefer (11 Februarie 2013). "Culture Fop / Don't worry, Israel, the king of gay porn is behind you". Haaretz (in Engels). Besoek op 2016-10-07.
  21. Breaking Glass Pictures | Campaign of Hate: Russia and Gay Propaganda | http://bgpics.com/index.php/template-styles/new-releases/item/235-campaign-of-hate Geargiveer 24 Junie 2016 op Wayback Machine

Skakels[wysig | wysig bron]