Muiskleurwindswael

Muiskleurwindswael
Muiskleurwindswael in die Noord-Kaap, Suid-Afrika
Bewaringstatus
Veilig (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Apodiformes
Familie:	Apodidae
Genus:	Apus
Spesie:	A. bradfieldi
Binomiale naam
Apus bradfieldi (Roberts, 1926)

Die muiskleurwindswael (Apus bradfieldi) is 'n gelokaliseerde, algemene, amper-endemiese standvoël en nomade. In Engels staan die voël as die Bradfield's swift bekend.

Voorkoms

Die voël is 17 cm lank en 33 – 50 g groot. Die voël is grys- of warm bruin met 'n geskubde borskant. Dit is gewoonlik ligter van kleur as die Europese windswael of die swartwindswael. Die hoof- en byslagvere is eenvormig terwyl die slagvere donkerder as die lyf is.

Verspreiding

Daar is twee subspesies:

• A. b. bradfieldi (Suidwes-Angola en Namibië)
• A. b. deserticola (die noorde van Suid-Afrika)

Die muiskleurwindswael is in beide hierdie streke 'n standvoël.

Status

Die muiskleurwindswael het 'n wye verspreidingsgebied en is daarom nie kwetsbaar (vir uitsterwing) nie. Die grootte van die bevolking is nie gekwantifiseer nie, maar daar is geen rede om te glo dat die spesie se getalle kwyn nie. Vir die rede word dit deur die IUBN-rooilys as 'n veilige spesie geklassifiseer.

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bron

• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-928-1