NG gemeente Ysterplaat

in Wikipedia, die vrye ensiklopedie
Jump to navigation Jump to search

Die NG gemeente Ysterplaat is een van twee klein gemeentes van die Nederduitse Gereformeerde Kerk in die Kaapstadse voorstad Ysterplaat. Die ander is Ysterplaat-Suid.

Ds. Marthinus Stephanus Joubert was van 1941 tot Maart 1955 Ysterplaat se eerste leraar. Hy het hierheen gekom van Pietersburg af en vertrek na Die Strand.
Die NG kerk Ysterplaat. Ds. J.A. Heyns het die hoeksteen op 28 November 1959 gelê.
Ds. J.J.E. Koornhof, van 1944 tot 1947 Ysterplaat se tweede leraar. Hy het hierheen gekom van Caledon af en vertrek na Laingsburg.
Ds. M.S. Joubert het die kerksaal se hoeksteen op 15 November 1941 gelê.
Ds. J.R. Holzapfel was van 1947 tot waarskynlik 1954 Ysterplaat se derde leraar. Hy het hierheen gekom van Keetmanshoop af, maar Ysterplaat was sy laaste gemeente voor hy blykbaar in die amp oorlede is.
Die kerksaal se hoeksteen.
Ysterplaat-Suid het in 1954 van Ysterplaat afgestig. Sy kerkgebou en saal is in 1966 opgerig.

Stigting[wysig | wysig bron]

Die gemeente Ysterplaat is op 7 Desember 1940 van die moedergemeente Maitland afgestig waarvan die grense destyds nog verby Milnerton, Table View en Bloubergstrand gestrek het. Ysterplaat is geleë aan die strandgebied waar Jan van Riebeeck aan wal gestap het. Die bevestiging van die eerste leraar, ds. M.S. Joubert, het in Maart 1941 plaasgevind. Hy het in Maart 1944 uit die gemeente vertrek en is in November 1944 deur ds. J.J.E. Koornhof opgevolg. Op 1 Maart 1947 is die derde leraar, ds. J.R. Holzapfel, tot medeleraar bevestig. In Oktober 1947 neem ds. Koornhof 'n beroep na Laingsburg aan.

Kerkbou[wysig | wysig bron]

Die gemeente het destyds in 'n kerksaal in Kerkstraat aanbid. Die grond waarop huidige kerkgebou staan, is in April 1941 teen £1 200 aangekoop. Die gemeente het dadelik vir 'n boufonds begin werk. In Junie 1941 is besluit om 'n kerk en 'n pastorie te bou. Die hoeksteenlegging van die kerkgebou het op 15 November 1941 plaasgevind en die inwyding in Julie 1942. In Maart 1945 is ontdek dat die hout in die kerk en pastorie van die houtpoeierkewer besmet is. Hierdie ontnugtering was 'n geweldige slag vir die jong gemeente. Maar die saak moes aangepak word en daar is dadelik tot die herbou van die kerkgebou besluit.

Uitbreiding[wysig | wysig bron]

Die gemeente het destyds so gegroei dat in Desember 1945 besluit is om 'n medeleraar te beroep. Met die oog op toekomstige uitbreiding na die kant van Bloubergstrand, is agt erwe op Milnerton vir 'n toekomstige kerkgebou en pastorie aangekoop. In Augustus 1947 is besluit om die kerkraad tot 45 lede te vergroot.

In November 1947 besluit die Ring van Kaapstad, op versoek van 'n aantal lidmate van Rugby, Milnerton en Bloubergstrand, om 'n deel van die gemeente af te stig. Op 1 Desember 1947 het die afstigting van die dogtergemeente Sonnekus toe plaasgevind. Op 1 Desember 1950 is die tienjarige bestaan van die gemeente herdenk. In die loop van die 10 jaar is oor die 700 persone tot lidmate aangeneem en meer as duisend kinders gedurende dieselfde tydperk gedoop. Die gemeente het in 1951 ongeveer 700 huisgesinne getel met ongeveer 1 400 lidmate, 10 keer meer as in 2015. In die Sondagskool was daar oor die 500 kinders wat deur ongeveer 40 onderwysers(esse) onderrig is. Die kerkraad het destyds betaan uit 50 lede. In 1951 berig Ons gemeentelike feesalbum: Soos enige stadsgemeente, staan hierdie gemeente gedurig in die teken van skommeling en verandering.”

Enkele leraars[wysig | wysig bron]

Bron[wysig | wysig bron]