Ysterplaat

in Wikipedia, die vrye ensiklopedie
Jump to navigation Jump to search
Ysterplaat
Ligging van Ysterplaat op 'n kaart (Wes-Kaap)
Ysterplaat
Ysterplaat
 Ysterplaat se ligging in Wes-Kaap
Koördinate: 33°54′23″S 18°29′42″O / 33.90639°S 18.49500°O / -33.90639; 18.49500Koördinate: 33°54′23″S 18°29′42″O / 33.90639°S 18.49500°O / -33.90639; 18.49500
Land Vlag van Suid-Afrika Suid-Afrika
Provinsie Wes-Kaap
Munisipaliteit Stad Kaapstad
Hoofplek Kaapstad
Oppervlak[1]
 - Voorstad 2,78 km²  (1,1 vk m)
Bevolking (2011)[1]
 - Voorstad 838
 - Digtheid 301/km² (779,6/myl2)
Rasverdeling (2011)[1]
 • Blank 17,8%
 • Indiër/Asiër 1,6%
 • Kleurling 32,2%
 • Swart 48,2%
 • Ander 0,2%
Taal (2011)[1]
 • Afrikaans 55,2%
 • Xhosa 24,3%
 • Engels 11,6%
 • Suid-Sotho 2,4%
 • Ander 6,5%
Die NG kerk Ysterplaat. Ds. J.A. Heyns het die hoeksteen op 28 November 1959 gelê.
Die NG gemeente Ysterplaat-Suid het in 2015 altesaam 101 lidmate gehad en die NG gemeente Ysterplaat 153. Ysterplaat-Suid se kerk en saal is in 1966 gebou. Die argitek was Wollie Bronkhorst.

Ysterplaat is 'n voorstad van Kaapstad, sowat 10 km wesnoordwes van die middestad. Dit word begrens deur Paardeneiland in die suidweste, Brooklyn en Rugby in die weste, Kensington in die suide en Century City in die noordooste.

Ysterplaat, geleë aan die strandgebied waar Jan van Riebeeck op 7 April 1652 aan wal gestap het, is veral bekend vir die plaaslike lugmagbasis. Die terrein van die LMB Ysterplaat is oorspronklik as 'n burgerlike vliegveld gebruik, bekend as Maitlandvliegveld, van so vroeg af as 1929. Op 1 April 1949, is LMB Brooklyn herdoop tot LMB Ysterplaat.

Vir sensusdoeleindes beslaan die voorstad Ysterplaat 2,78 km. In 2011 was die bevolking 838 van wie amper die helfte swart was. Minder as 18% van die bevolking (149) was toe wit.[2] In 2001 was die voorstad se bevolking net 268, met 'n redelik gelykop verdeling tussen bruin (43%), swart (33%) en wit (25%).[3]

Die NG gemeente Ysterplaat is op 7 Desember 1940 van die moedergemeente Maitland afgestig waarvan die grense destyds nog verby Milnerton, Table View en Bloubergstrand gestrek het.

Bron[wysig | wysig bron]

Verwysings[wysig | wysig bron]

  1. 1,0 1,1 1,2 1,3 "Subplek Ysterplaat". Sensus 2011. 
  2. (en) Sensussyfers weergegee deur AdrianFrith.com. URL besoek op 6 Maart 2016.
  3. (en) Sensussyfers weergegee deur AdrianFrith.com. URL besoek op 6 Maart 2016.