Natalse swartslang

in Wikipedia, die vrye ensiklopedie
Jump to navigation Jump to search

Natalse swartslang
Not evaluated (IUCN 3.1)
Wetenskaplike klassifikasie
Koninkryk:
Filum:
Subfilum:
Klas:
Orde:
Suborde:
Familie:
Genus:
Spesie:
M. microlepidotus
Binomiale naam
Macrelaps microlepidotus
Günther, 1860

Die Natalse swartslang (Macrelaps microlepidotus) is 'n gevaarlike slang met die giftande agter in die mond. Dit is swart op die rug- en penskant. Dit kom in Oos-Kaap en KwaZulu-Natal se kusgebiede voor, vanaf die kus tot op hoogtes van 1,300 m. Dit kan moontlik in Mosambiek voorkom.

Die verkies klam plekke in laaglandwoude en langs strome in kusbos; dit word ook gevind in voorstedelike tuine. Hier kom dit voor onder ontbindende stompe, klippe, blaarafval, diere se gate asook afvoerslote.

Die slang is mak en huiwerig om te byt. Hulle word meestal op warm dae en nagte gesien. Die slang is 'n goeie swemmer en is al in strome in woude gewaar. Hulle grawe graag en soek ook ondergronds na kos. Hulle gryp die prooi, krul om dit en kou daaraan om die gif te laat deurwerk.

Dit kan met die Suidelike sypikslang verwar word. Sy natuurlike vyande is ander slange, roofvoëls en klein karnivore. Die swartslang vreet paddas, veral reënpaddas, pootlose akkedisse, slange en knaagdiertjies. Die dier is ovipaar en lê 3 - 30 eiers in die somer. Die klein slangetjies is 20 - 29 cm lank.

Die slang se gif is gevaarlik vir die mens, alhoewel byte uiters seldsaam is. In een opgetekende geval het die slagoffer bewussynsverlies van 30 minute ondervind. Die slang se gif is nie bestudeer nie, teengif is nie doeltreffend nie en moenie nie gebruik word nie.

Sien ook[wysig | wysig bron]

Bron[wysig | wysig bron]