Suidelike sypikslang

in Wikipedia, die vrye ensiklopedie
Jump to navigation Jump to search

Suidelike sypikslang
Atractaspis bibronii 78366241.jpg
Wetenskaplike klassifikasie
Koninkryk:
Filum:
Subfilum:
Klas:
Orde:
Suborde:
Familie:
Genus:
Spesie:
A. bibronii
Binomiale naam
Atractaspis bibronii
A. Smith, 1849

Die Suidelike sypikslang (Atractaspis bibronii) is 'n slang wat voorkom in suidelike KwaZulu-Natal tot in Mpumalanga, die Vrystaat, die noorde en ooste van die Noord-Kaap, Gauteng, Limpopo, Noordwes, Swaziland, Mosambiek, die grootste gedeelte van Zimbabwe, Botswana en die noorde van Namibië. Dit kan met die Natalse swartslang verwar word.

Voorkoms[wysig | wysig bron]

Die slang se rugkant is varieer van persbruin tot ligbruin, donkerbruin of swarterig. Voor vervelling lyk dit blougrys. Die pens is oor die algemeen dieselfde kleure as die rug maar in die noorde neig die pens van wit tot roomkleurig. Die kop is afgeplat. Die giftande is groot, lê horisontaal en wys agtertoe. Die kan effens beweeg word en stel die slang in staat om 'n giftand weerskante van die bokaak uit te steek. Die bekgaping is klein en dit kan nie op dieselfde manier as die meeste slange byt nie. Dit is onmoontlik om die kop agter die kop vas te hou; dit draai eenvoudig sy kop kant toe om 'n vinger te byt.

Die slang kom voor in 'n verskeidenheid habitats: laaglandwoude, vogtige en dorre savanne, Karoostruikveld, grasveld en woestyn. Die slang hou van graaf en word dikwels onder stompe, klippe en verlate termiethope aangetref. Dit kom op warm, nat somersaande uit sy skuilplek - veral na swaar reën. Die slang word dikwels deur grondverskuiwingswerk of uitgrawings blootgelê.

Sy natuurlike vyande is roofvoëls, klein karnivore en ander slange. Hulle vreet veral grawende reptiele, veral slapende akkedisse en hul eiers, paddas en veral jong knaagdiertjies. Die slang is ovipaar en lê 3 tot 7 eiers in die midsomer. Die klein slangetjies is 15 cm lank.

Gif en byt[wysig | wysig bron]

Die gif is sitotoksies en veroorsaak pynlike swelsels wat tot gangreen kan lei. Geen sterfgevalle is nog in Suider-Afrika aangeteken nie maar byte is algemeen in KwaZulu-Natal, Mpumalanga, Swaziland en Mosambiek. Simptome van die byt is onder andere mislikheid, hoofpyn, moeite om te sluk, pynlike oog bewegings en 'n droë keel. Die area om die byt word blou en blase kan vorm. Daar is geen teengif vir die slang se byt nie.

Sien ook[wysig | wysig bron]

Bron[wysig | wysig bron]

Eksterne skakels[wysig | wysig bron]