Natriumsulfiet

Eienskappe

Algemeen
Naam	Natriumsulfiet
Struktuurformule van
Chemiese formule	Na2SO3
Molêre massa	126,05 [g/mol]
CAS-nommer	7757-83-7
Voorkoms	Wit trigonale kristalle of poeier
Reuk	reukloos
Fasegedrag
Selkonstantes	a=544,1pm; c=613,3pm
Ruimtegroep	P3
Nommer	147
Strukturbericht	G3₂
Smeltpunt	911 °C (ontbind: >500°C)
Kookpunt
Digtheid	2,633 [g/cm3
Oplosbaarheid	307 g/kg @ 25°C
Brekingsindeks	1,565
Suur-basis eienskappe
pKa
Veiligheid
Flitspunt
LD50	115 [mg/kg]] (iv; rot) 950 [mg/kg] (ip; muis)
Tensy anders vermeld is alle data vir standaardtemperatuur en -druk toestande.
Portaal Chemie

Natriumsulfiet is 'n sout van natrium en swaeligsuur met die chemiese formule Na₂SO₃. Natriumsulfiet is 'n wit kristal of poeier wat 'n reduseermiddel is. Dt vorm 'n heptahidraat Na₂SO₃·7H₂O en word dikwels in hierdie vorm verhandel. Die heptahidraat verloor sy 7 watermolekules teen 150 °C

Kristalstruktuur

Natriumsulfiet kristalliseer in 'n trigonale struktuur wat die argetipe van die G3₂-strukture van die strukturbericht-klassifikasie is. Twee van die Na-atome word omring deur 6 suurstof op 'n afstand van 2,469A; terwyl die oorblywende twee natriumatome omring word deur 3 suurstofatome op 'n afstand van 246,1pm en deur 3 by 287,0pm. Die struktuur toon die teenwoordigheid van SO₃-groepe. Die afstand van swaelatoom na die 3 omliggende suurstofatome is 139pm, terwyl die suurstofatome 'n gelyksydige driehoek vorm met afstande van 224pm. Die swaelatoom het 'n verplasing van 51pm uit die vlak van die suurstofdriehoek. Die vorm van die SO₃-groep is dus soos 'n lae trigonale piramide. Dit is dieselfde tipe struktuur wat vir die ione ClO₃^-, BrO₃^-, AsO₃^3- en SbO₃^3- gevind is.

Eienskappe

Natriumsulfiet vertoon bleik-, ontswawel- en dechloreringseienskappe. Dit kan verkry word deur swaeldioksied deur 'n oplossing van natriumhidroksied of natriumkarbonaat te voer.

Wanneer 'n oplossing van natriumsulfiet met swael gekook word, los die element op onder vorming van natriumtiosulfaat:

$2Na^{+}(aq)+SO_{3}^{2-}(aq)+S(s)\rightarrow 2Na^{+}(aq)+S_{2}O_{3}^{2-}(aq)$

Gebruike

Hierdie middel word deur die voedselindustrie gebruik om die vars voorkoms van voedselprodukte te help handhaaf. Dit is ook 'n komponent in baie medisyne, wat help om hul sterkte en stabiliteit te handhaaf. Dit word gebruik om foto's te ontwikkel, tekstiele te bleik, kleurstowwe te vervaardig, glas te versilwer en vleis te bewaar; dit word ook gebruik as 'n antiseptiese ontsmettingsmiddel en as waterbehandelingskemikalie vir industriële ketels en olieputte;