Oirat-Kalmikiese Volkskongres
Die Oirat-Kalmikiese Volkskongres (Russies: Конгресс ойрат-калмыцкого народа) is 'n separatistiese organisasie wat hom beywer vir die onafhanklikheid van die Republiek van Kalmikië, 'n deelgebied van die Russiese Federasie waar die Boeddhistiese en Mongoolssprekende Kalmikiërs 'n meerderheid van die bevolking vorm.
Geskiedenis[wysig | wysig bron]
Alhoewel Kalmikiese pro-onafhanklikheidsbewegings in die Sowjet-era bestaan het en in die 1990's gewild geword het, het die eerste amptelike vergadering van die kongres onder sy huidige naam in 2015 plaasgevind. Nog twee sessies van die kongres is gehou vordat sy lede deur die Russiese polisie gedreig is en uit die land moes vlug.[1]
In Maart 2022 het die voorsitter van die Oirat-Kalmikiese Volkskongres Arslang Sandzjijef en sy adjunkte Batir Boromangnajef, Wladimir Dowdanof en Adoetsje Erdnijef 'n resolusie onderteken wat die Russiese inval in Oekraïne veroordeel. Sandzjijef het verklaar dat die Kalmikiërs aan die Russiese kant geveg het in talle oorloë in die afgelope 400 jaar, maar hierdie aggressiewe oorlog nie kan ondersteun nie.[2]
In Januarie 2023 het die Volkskongres se lid Daavr Dordzhin 'n toespraak in die Europese Parlement in Brussel gehou oor Russiese kolonialisme en die stryd van Rusland se etniese minderhede.[3]
Verwysings[wysig | wysig bron]
- ↑ Hurska, Alla (2021). "Kalmykia: Russia's Emerging Powder Keg?". Eurasia Daily Monitor (in Engels). 18 (128). Besoek op 9 Julie 2023.
- ↑ "Kalmyk people congress – let oligarchs and their children fight!". Free Idel-Ural (in Engels). 2022. Besoek op 9 Julie 2023.
- ↑ Dordzhin, Daavr (2023). "No Borders Among Us // Intervention at the European Parliament". YouTube (in Engels). Besoek op 10 Julie 2023.