Johannesburg Parkstasie

in Wikipedia, die vrye ensiklopedie
(Aangestuur vanaf Parkstasie)
Jump to navigation Jump to search

Parkstasie
Treinstasie JohannesburgStation-001.jpg


Adres

Rissikstraat, Johannesburg 26°11′49.9″S 28°2′30.8″O / 26.197194°S 28.041889°O / -26.197194; 28.041889


Opgerig

1897

Johannesburg Parkstasie is die sentrale treinstasie in Johannesburg, Suid-Afrika, en die grootste treinstasie in Afrika.[1]Dit is geleë tussen Johannesburg se Sentrale Sakegebied en Braamfontein, in die blok begrens deur Rissik, Wolmarans, Wanderers en Noordstrate. Parkstasie lê op die hooflyn van die Witwatersrand wat oos-wes van Germiston na Randfontein loop. Die eerste vier stasies na die ooste is Doornfontein, Ellispark, Jeppe en George Goch-stasies.

Parkstasie is die middelpunt van die Witwatersrandse Metrorail-netwerk, met daaglikse pendeltreindienste wat wes ry na Carletonville, Randfontein, Krugersdorp en Soweto; oos na Springs, Nigel en Daveyton; noord na Pretoria (via Germiston en Kemptonpark) en suid na Vereeniging.[2] Parkstasie is ook die terminus van Shosholoza Meyl langafstanddienste na Kaapstad, Durban, Port Elizabeth, Oos-Londen, Bloemfontein via Kimberley, Komatipoort via Nelspruit en Musina via Polokwane.[3]

Die suidelike terminus van die Gautrain hoëspoedtrein is ondergronds geleë, in 'n afsonderlike stasie langs die bestaande hoofstasie.[4]

Verwysings[wysig | wysig bron]

  1. "Trains". City of Johannesburg. Geargiveer vanaf die oorspronklike op 10 Junie 2010. Besoek op 11 Junie 2010.
  2. "Timetables". Metrorail. Besoek op 11 Junie 2010.
  3. "Routes". Shosholoza Meyl. Besoek op 11 Junie 2010.
  4. Parkstasie by opengreenmaps.org; URL besoek 22 Februarie 2019

Eksterne skakels[wysig | wysig bron]