Penny Heyns
Penny Heyns | |
|---|---|
 Penny Heyns in 2015 in Times Square, New York (2015) | |
| Gebore | Penelope Heyns 8 November 1974 |
| Nasionaliteit |  Suid-Afrika |
| Beroep | Swemmer |
| Medaljes gewen | ||
|---|---|---|
| Swem – vrouens] | ||
| Deelnemer vir Suid-Afrika
| ||
| Olimpiese Spele | ||
| Goud | 1996, Atlanta | 100 m-borsslag |
| Goud | 1996, Atlanta | 200 m-borsslag |
| Wêreldbeker-reeks vir kort baddens | ||
| Silwer | 1999, Hong Kong | 50 m-borsslag |
| Silwer | 1999, Hong Kong | 100 m-borsslag |
| Silwer | 1999, Hong Kong | 200 m-borsslag |
| Pan-Pasifiese Spele | ||
| Goud | 1995, Atlanta | 100 m-borsslag |
| Goud | 1999, Sydney | 100 m-borsslag |
| Goud | 1999, Sydney | 200 m-borsslag |
| Silwer | 1995, Atlanta | 200 m-borsslag |
| Silwer | 1997, Fukuoka | 100 m-borsslag |
| Statebondspele | ||
| Goud | 1994, Victoria | 100 m-vryslag |
Penelope ("Penny") Heyns OIS (gebore 8 November 1974 in Springs) is 'n afgetrede Suid-Afrikaanse swemmer wat bekendheid verwerf het as die enigste vrou in die geskiedenis van die Olimpiese Spele wat beide die 100 m en 200 m borsslagitems tydens die Olimpiese Spele in 1996 in Atlanta gewen het, wat haar die eerste Suid-Afrikaanse gouemedalje wenner na apartheid, met die her-toelating van Suid-Afrika tot die Spele in 1992. Vier jaar later wen sy 'n bronsmedalje by die Olimpiese Spele van 2000 in Sydney. Saam met die Australiese kampioen Leisel Jones word Heyns beskou as een van die beste borsslag swemmers.[1]
Sport loopbaan[wysig | wysig bron]
Heyns het op 'n jong ouderdom begin swem en baie vaardighede vertoon. Haar swem was buitengewoon en het haar 'n beurs vir die Universiteit van Nebraska in die Verenigde State gekry.[2] Heyns was die jongste lid van die Suid-Afrikaanse span by die Olimpiese Spele in 1992 in Barcelona. Sy was ook 'n lid van die Suid-Afrikaanse span by die Statebondspele van 1994, waar sy 'n bronsmedalje in die 200 m borsslagitem gewen het.
Heyns het in Maart 1996 haar eerste wêreldrekord, die 100 m borsslag, in Durban gebreek. Heyns was in 1996 weer deel van die Suid-Afrikaanse Olimpiese span in Atlanta, waar sy die goue medalje gewen het vir die 100 m borsslag (en die wêreldrekord gebreek het) asook die goue medalje vir die 200 m borsslag (en die Olimpiese rekord gebreek het). Dit het haar die enigste vrou in die geskiedenis van die Olimpiese Spele gemaak om albei die 100 m- en 200 m-borsslagitems te wen. Gedurende die 1998 Goodwill Games in New York het Heyns die wêreldrekord van 50 m in borsslag opgestel. In 1999 het Heyns in drie maande elf wêreldrekords gebreek, wat op drie verskillende kontinente by geleenthede geswem was. Dit het haar die gelyktydige houer van vyf uit die moontlike ses borsslagrekords gemaak, 'n prestasie wat nog nooit in die geskiedenis van swem bereik is nie.
Sy was ook 'n lid van die Suid-Afrikaanse Olimpiese span by die Olimpiese Spele in 2000 in Sydney. Sy het 'n bronsmedalje in die 100 m borsslagitem gewen.
Heyns het afgetree van kompeterende swem in 2001. Sy is 'n sakevrou, motiverende en publieke spreker, en televisie aanbieder. Sy het 'n outobiografie geskryf in 2004.
Verwysings[wysig | wysig bron]
- ↑ "Today in History: Penny Heyns wins gold at 1996 Olympics". Roodepoort Northsider (in Engels). 23 Julie 2018. Geargiveer vanaf die oorspronklike op 27 April 2020. Besoek op 15 Desember 2018.
- ↑ jonas (19 Julie 2012). "South African swimmer, Penny Heyns, wins a gold Medal at Atlanta Olympics". South African History Online (in Engels). Geargiveer vanaf die oorspronklike op 28 Julie 2014. Besoek op 15 Desember 2018.
Eksterne skakels[wysig | wysig bron]
Wikimedia Commons het meer media in die kategorie Penny Heyns.- (en) Penny Heyns se webwerf
