Pieter-Dirk Uys

in Wikipedia, die vrye ensiklopedie
Spring na: navigasie, soek
Pieter-Dirk Uys
'n Beeld van die betrokke persoonlikheid.
Pieter-Dirk Uys in 2008 op Darling.

Geboorte 28 September 1945
Kaapstad
Nasionaliteit Suid-Afrika
Beroep(e) Satirikus, kunstenaar, skrywer
Internet-rolprentdatabasis-profiel

Pieter-Dirk Uys (gebore 28 September 1945 in Kaapstad) is 'n Suid-Afrikaanse satirikus, verhoogkunstenaar, skrywer en sosiale aktivis.

Hy was die seun van 'n Afrikanerpa en 'n Berlyns gebore Joodse moeder. Hy het in die tradisies van die NG Kerk grootgeword[1] en was 'n leerder aan die Afrikaanse staatskool in die Kaapse voorstad Mowbray, die Hoërskool Nassau. Sy vader, Hannes Uys was 'n orrelis van 1928 tot 1982 in agtereenvolgens die NG gemeente Drieankerbaai, NG gemeente Kaapstad (Groote Kerk) en NG gemeente Rondebosch en van 1962 tot 1972 'n musiekonderwyser aan die Hoërskool Groote Schuur in Nuweland, terwyl sy suster, Tessa, haar onderskei het as konsert-pianiste.

In 2005 ontvang Uys die Erepenning vir Toneelkuns van die Suid-Afrikaanse Akademie vir Wetenskap en Kuns terwyl Pieter Toerien in dieselfde jaar die Erepenning vir Teaterbevordering ontvang.

Evita Bezuidenhout is die transgender alter ego van van Pieter-Dirk Uys. Uys beskryf haar as “die mees bekende wit-vrou in Suid-Afrika” en hy het selfs al vir haar ʼn biografie geskryf. As Tannie Evita lewer Uys politieke en sosiale kommentaar op ʼn satiriese wyse en gebruik hy sy alter ego op ʼn aktivistiese wyse.


Bibliografie[wysig | wysig bron]

Sy boeke:

Filmografie[wysig | wysig bron]

As skrywer:

  • Screenplay (TV-reeks), 1991
  • Farce About Uys (video), 1983
  • Screenplay (TV-reeks), 1981
  • Die Spaanse Vlieg (opgevoer deur Franz Arnold en Ernst Bach), 1978

As akteur:

  • Screenplay (TV-reeks), 1991 as Evita Bezuidenhout
  • Farce About Uys (video), 1983 as De Kock Bezuidenhout
  • Tant Ralie se Losieshuis, 1974

As homself:

  • Skating on thin Uys, Komedie oor P. W. Botha, 1985
  • Darling! The Pieter–Dirk Uys Story, Dokumentêr van Julian Shaw, 2007
  • Dokument: Humor (dokumentêre TV-reeks), 2005
  • The Sunday Programme (TV-reeks), 2004
  • Across the Rubicon (dokumentêr), 1987

Bronne[wysig | wysig bron]

  • Malan, dr. Jacques P. 1986. Suid-Afrikaanse Musiekensiklopedie. Deel IV. Kaapstad: Oxford University Press.

Eksterne skakels[wysig | wysig bron]

Verwysings[wysig | wysig bron]

  1. Jani Allan (1983). Face Value, ISBN 0-620-07013-7. Longstreet.