Pieter de Bruin

in Wikipedia, die vrye ensiklopedie
Jump to navigation Jump to search
Pieter Frederik de Bruin.

Pieter Frederik de Bruin (plek onbekend, 10 Maart 1799 – plaas Klippan, distrik Lichtenburg, Transvaal, 23 September 1890) was ’n stigter van die Gereformeerde Kerk op 11 Februarie 1859 toe hy reeds amper 60 jaar oud was.

P.F. de Bruin was een van die Voortrekkers wat die Groot Trek uit die Kaapkolonie in die tweede helfte van die dekade ná 1830 meegemaak het en een van die helde van die Slag van Bloedrivier einde 1838.

De Bruin was getroud met Philippina Maria Charlotte Schutte, ’n suster van oudl. Flip Schutte op wie se plaas, Buffeldoorns, ds. Dirk Postma in Januarie 1858 op sy deurreis van Natal na Rustenburg vertoef en sy tweede preek in Transvaal gehou het.

Met die stigting van die Gereformeerde kerk Rustenburg op 11 Februarie 1859 en daarmee saam die Gereformeerde Kerkverband in Suid-Afrika, was De Bruin en sy eggenote met hul kinders (en moontlik kleinkinders) ook daar en het hulle almal by die nuut gestigte kerk aangesluit.

Bronne[wysig | wysig bron]

(af) Van der Walt, ds. N.H. (hoofred.). 1934. Almanak van die Gereformeerde Kerk in Suid-Afrika vir die jaar 1935. Een-en-sestigste jaargang. Potchefstroom: Adm. Buro.