10 Maart

10 Maart is die 69ste dag van die jaar in die Gregoriaanse kalender (70ste in skrikkeljare). Daar volg nog 296 dae in die res van die jaar.

Gebeure[wysig | wysig bron]

241 v.C. – Rome verslaan Kartago in die Slag van die Aegate-eilande wat die Eerste Puniese Oorlog beëindig.
1045 – Pous Benedictus IX volg Pous Silvester III op.
1511 – In sy laaste konsistorie stel Pous Julius II nog nege nuwe kardinale aan.
1791 – Pous Pius VI publiseer Quod aliquantum teen die Franse Nasionale Vergadering en menseregte.
1823 – Pous Pius VII stel 13 nuwe kardinale aan, waaronder Francesco Bertazzoli, titulêr aartsbiskop van Edessa.
1831 – Die Franse Vreemdelegioen word deur koning Louis-Philippe gestig om die oorlog in Algerië te ondersteun.
1870 – Pous Pius IX verklaar Pous Urbanus V salig.
1876 – Alexander Graham Bell voer die eerste suksesvolle telefoonoproep uit.
1880 – NG gemeente Drieankerbaai stig af van NG gemeente Kaapstad.
1951 – Rhodes-universiteit word 'n volwaardige, onafhanklike universiteit.
1952 – Nadat hy volgens wet verbied is om herverkiesing na te streef, voer voormalige President Fulgencio Batista 'n staatsgreep uit om beheer van Kuba oor te neem.
1959 – Die Tibetaanse opstand in Lhasa.
1960 – Die Milnertonvuurtoring word in gebruik geneem.
2000 – Die NASDAQ effektebeursindeks bereik 'n hoogtepunt van 5048,62, die hoogste vlak van die dot-comvoorspoedgolf.

1734 – Asada Goryu, Japannese sterrekundige († 1799)
1878 – Karel van de Woestijne, Vlaamse skrywer en digter († 1929).
1892 – Arthur Honegger, Switserse komponis († 1955).
1898 – Attie van Heerden, Suid-Afrikaanse Olimpiese atleet en rugbyspeler († 1965).
1931 – Raymond Ackerman, Suid-Afrikaanse kleinhandelmagnaat.
1933 – Allister Sparks, Suid-Afrikaanse koerantman († 2016).
1936 – Sepp Blatter, agste president van die FIFA-wêreldsokkerbond.
1940 – Chuck Norris, Amerikaanse akteur.
1945 – H.O. de Villiers, Springbokheelagter in 1967 († 2022).
1946 – Peter Temple, Australies-Suid-Afrikaanse joernalis en skrywer († 2018).
1951 – Max du Preez, Suid-Afrikaanse koerantman en politieke ontleder.
1952 – Morgan Tsvangirai, Zimbabwiese politikus († 2018).
1957 – Osama bin Laden, Arabiese terroris en stigter van Al-Kaïda († 2011).
1958 – Sharon Stone, Amerikaanse aktrise.
1964 – Prins Edward, Britse koninklike, jongste seun van koningin Elizabeth en prins Philip.
1973 – Nick Bostrom, Sweeds/Britse filosoof.
1984 – Olivia Wilde, Amerikaanse aktrise.
1984 – Ruan Pienaar, Suid-Afrikaanse rugbyspeler en Springbokskrumskakel.

483 – Pous Simplicius, 47ste pous van die Rooms-Katolieke Kerk (* onbekend).
1887 – Jan Bantjes, 'n Voortrekker (* 1817).
1937 – Jewgeni Zamjatin, 'n Russiese skrywer. (* 1884).
1943 – Paul Modersohn, Duitse skilder (* 22 Februarie 1865).
1946 – Karl Haushofer, akademikus, populariseer geopolitiek in Duitsland (* 1869).
1988 – William Wordsworth, Britse komponis en nasaat van die broer van die bekende Engelse digter William Wordsworth (* 1908).
1998 – Lloyd Bridges, Amerikaanse akteur (* 1913).