Pionier-opelugmuseum

in Wikipedia, die vrye ensiklopedie
Spring na: navigasie, soek
Pionier-opelugmuseum
'n Beeld van die museum.
Die huis by die Pionier-opelugmuseum is in 1848 gebou

Vorige naam African Window
Plek Pretoria
Land Vlag van Suid-Afrika Suid-Afrika
Openingsjaar 1975
Tipe museum Kultuurhistories
Webtuiste Pionier-opelugmuseum

Die Pionier-opelugmuseum is 'n kulturele museum in die oostelike voorstede van Pretoria wat die lewenstyl van die vroeë pioniers of Voortrekkers van die vroeë 19de eeu weerspieël. Dit word gehuisves in die oudste gebou in Pretoria, die opstal wat in 1848 gebou is, en word deur Ditsong Museums van Suid-Afrika bestuur.[1]

Museum[wysig | wysig bron]

Die museum poog om besoekers die vroeë 19de eeu te laat herleef, met gidse geklee in klere van daardie tydperk. Aktiwiteite sluit in die maak van tradisionele brood en botter, asook demonstrasies van die Voorlaaier. Die belangrikste besienswaardigheid is die plaasopstal wat in 1848 gebou is, en die geskiedenis van die mense wat op die oorspronklike plaas met die naam Hartebeestpoort gewoon het. Daar is 'n tradisionele kruietuin en 'n groentetuin waar 'n mens meer kan leer oor boereraate, 'n boord, 'n wingerd en 'n gemeubileerde waenhuis uit daardie tydperk.

Die Opstal[wysig | wysig bron]

Die opstal, gebou in 1848, is die hoofgebou van die kompleks en is deur vroeë Voortrekkerpioniers gebou deur tradisionele boumetodes. Dit is die oudste mensgemaakte struktuur wat nog staan in Pretoria. Die huis is gebou van klei en plaaslike materiaal, met 'n grasdak en grondvloere, en is gemeubileer volgens die tradisionele 19de eeuse plattelandse styl.

Geskiedenis[wysig | wysig bron]

Dawid Botha, 'n boer uit die Kaapkolonie, en sy familie, was die eerste mense om hulself te vestig op die plaas Hartebeespoort in 1846. Twee jaar later, in 1848, het hy die bestaande opstal gebou. Die Bothafamilie het vir 5 jaar op die plaas gewoon, todat hulle die plaas in 1851 aan 'n Mr. Vermeulen verkoop het. In 1874 is die plaas aan die Duitse immigrant Hans Mundt verkoop. Mundt het dit gebruik vir 'n halfwegstasie vir reisigers, aangesien die plaas geleë was op die hoof vervoerroete na Pelgrimsrus, toe die goudstormloop daarheen begin het. In 1900, was silwer op die plaas ontdek, en 'n gedeelte van die plaas is opgekoop deur die Silver Mining Company. In 1961 is die eiendom aan die Munisipaliteit van Silverton geskenk en in 1975 was dit as 'n museum vir die publiek ge-open.[2]

Gebeurte[wysig | wysig bron]

  • 'n Nuwejaarsfees word elke jaar op 1 Januarie aangebied.[3]
  • 'n Boeremark word elke Saterdag gehou.[4]

Verwysings[wysig | wysig bron]

  1. "Ditsong: Pioneer Museum". Ditsong Museums. Verkry op 3 Maart 2017. 
  2. "Dinokeng: Pioneer Museum". www.gauteng.net. Verkry op 3 Maart 2017. 
  3. "Nuwejaarsfees: Ditsong Pionier Museum". showme.co.za. Verkry op 3 Maart 2017. 
  4. "Boeremark Pretoria". pretoriaboeremark.co.za. Verkry op 3 Maart 2017. 

Eksterne skakels[wysig | wysig bron]

Koördinate: 25°44′05″S 28°18′30.8″O / 25.73472°S 28.308556°O / -25.73472; 28.308556

Hierdie artikel is in sy geheel of gedeeltelik vanuit die Engelse Wikipedia vertaal.