Riku Lätti
Riku Lätti | |
|---|---|
| Gebore | 11 Junie 1973 Suid-Afrika |
| Beroep(e) | Sanger, liedskrywer |
| Webwerf | rikulatti |
Riku Lätti (gebore 11 Junie 1973) is 'n Suid-Afrikaanse sanger en liedjieskrywer.
Vroeë lewe en opvoeding
[wysig | wysig bron]Lätti is op 11 Junie 1973 gebore. Sy ouers is Valju Ivan Lätti (gebore 7 Januarie 1944) en Maria Catherina Theron (8 April 1944 - 22 Junie 2023). Sy oupa aan vaderskant, Richard Lätti, is in Leningrad (nou Sint Petersburg) in die Russiese Ryk gebore en Richard se pa is in Kambja, Estland gebore. Richard het in Estland grootgeword en het in 1929 na Suid-Afrika geëmigreer.[1] Die van Lätti beteken Lets in Engels.[1]
Lätti matrikuleer in 1991 aan die Hoërskool Florida in Johannesburg. Daarna sit hy sy studies voort by die Universiteit van die Witwatersrand, waar hy 'n honneursgraad in filosofie behaal.
Loopbaan
[wysig | wysig bron]Lätti het al met van Suid-Afrika se supersterre, soos Steve Hofmeyr, Laurika Rauch en Paul Riekert saamgewerk. Kunstenaars soos Karla du Plessis, Theuns Jordaan, Laurika Rauch, Jakkie Louw, The Pheobes en Tsunami het al van sy liedjies gesing en opgeneem.
In 2005 maak hy sy deurbraak in die internasionale musiekmark met sy eerste toer deur België en Nederland. Gedurende 'n opvolgtoer, in 2006 deur Europa, tree hy saam met Stef Bos op. Op 1 Oktober 2007 stel hy sy eerste album in die Benelux vry. Vir die album neem hy van sy beste liedjies in eenvoudiger vorm op, deur slegs van sy stem, klavier en kitaar gebruik te maak.
Hy is ook hoof van die Afrikaanse koerant genaamd zimdollar.
Albums
[wysig | wysig bron]- Me and Mr. Sane (1996, saam met musikante Peter Auret, Max Loubscher, Justy Range, Willem Moller en Stefan Ackermann)
- Pleister vir my nerwe (saam met musikante Peter Auret, Max Mikula, Brendan Ou Tim, Bob Biggens en Hendrik Coetzee. Die album het 'n GMT-toekenning vir beste alternatiewe Afrikaanse album ontvang)
- WOKNAKWYF!
- Jean Marais - Nou (Die album was in samewerking met Jean Marais (MoShang), en met insette van Ewald Cress uitgereik. Die media het die album geloof as "die mees progressiefste Afrikaanse album ooit".)
- Aan't sterre tel (2004, saam met musikante Peter Auret, Jonathan Crossley, Cesare Cassarino en Rory Gaddin. Met die album wen Riku die GMT-toekenning vir beste mansstem.)
- Radio Lava (met Jahn Beukes en Arnaud van Vliet.)
- Akoesties (die album is net in die Benelux vrystel en bevat akoestiese opnames met Riku op klavier en kitaar.)
Sien ook
[wysig | wysig bron]Verwysings
[wysig | wysig bron]- ↑ 1,0 1,1 Rossouw, Laureen (9 Februarie 2024). "15 vrae vir Riku Lätti". Vrye Weekblad. Geargiveer vanaf die oorspronklike op 12 Junie 2024. Besoek op 1 Desember 2024.
Eksterne skakels
[wysig | wysig bron]- Riku Lätti se Suid-Afrikaanse webwerf Geargiveer 19 Augustus 2006 op Wayback Machine
- Riku Lätti se Nederlande webwerf
- Die Zimdollar-koerant Geargiveer 21 Augustus 2006 op Wayback Machine
- Smoorverlief op YouTube
Normdata  |
|
|---|