11 Junie

11 Junie is die 162ste dag van die jaar in die Gregoriaanse kalender (163ste in 'n skrikkeljaar). Daar volg nog 203 dae in die res van die jaar.

Gebeure

• 1509 – Koning Henry VIII van Engeland trou met Catharina van Aragon.
• 1639 – Fabio Chigi (later Pous Alexander VII) word nuntius in Keulen.
• 1670 – Pous Clemens X bevestig die aflate gekoppel aan besoeke van die heilige plekke in Palestina.
• 1690 – Pous Alexander VIII verklaar Sint Kinga (ook Cunegunde) van Pole, salig.
• 1770 – Kaptein James Cook ly skipbreuk op die Groot Koraalrif.
• 1725 – Pous Benedictus XIII stel Niccolò Coscia, titulêr aartsbiskop van Traianopoli en Niccolò del Giudice, apostoliese protonotarius aan as kardinale.
• 1742 – Verdrag van Breslau maak vrede tussen Maria Theresa van Oostenryk en Frederik II van Pruise.
• 1898 – Die Guangxu keiser van China begin sy Honderd dae van hervorming.
• 1899 – Pous Leo XIII dra die hele mensdom op tot die Heilige Hart van Jesus.
• 1936 – Die Switserse volk keur 'n regerings-krediet van 235 miljoen Frank goed om die opknapping van die weermag en verdedigingsinfrastruktuur te finansier.
• 1936 – Die Switserse parlement keur die mosie af om diplomatieke bande met Sowjet-Rusland aan te knoop.
• 1955 – Le Mans-ramp: Sewe en sewentig mense sterf en ander word beseer toe 'n renmotor van die baan af tol en in die skare vasjaag.
• 1963 – Die Universiteit van Alabama word gedesegregeer toe Goewerneur George Wallace gedwing word om te bedank nadat hy probeer verhoed het dat swart studente by die universiteit inskryf.
• 2003 – Die naam van die hoofstad van die Limpopoprovinsie, "Pietersburg" word amptelik gewysig na Polokwane.
• 2023 – Australië verslaan in die eindstryd van die tweede Wêreldtoetskampioenskap op The Oval in Londen Indië met 209 lopies.

Geboortes

• 1716 – Otto II. Freiherr von Münchhausen, Duitse plantkundige († 1774)
• 1776 – John Constable, Engelse Romantiese skilder († 1837).
• 1864 – Richard Strauss, Duitse komponis († 1949).
• 1906 – NP van Wyk Louw, Suid-Afrikaanse digter, akademikus en dramaturg († 1970).
• 1910 – Jacques Cousteau, Franse wetenskaplike, uitvinder van die akwalong († 1997).
• 1911 – Margaret Keay, Suid-Afrikaansgebore Britse plantpatoloog († 1998).
• 1932 – Athol Fugard, Suid-Afrikaanse dramaturg, akteur en regisseur.
• 1937 – Gerrit Kruger, Suid-Afrikaanse klassikus
• 1939 – Jackie Stewart, Skotse motorrenjaer.
• 1964 – Jean Alesi, Frans-Italiaanse Formule Eenrenjaer.
• 1972 – Heather Clark, Suid-Afrikaanse branderplankryer.
• 1975 – Denis Matsuev, Russiese pianis.
• 1981 – Bonné de Bod, televisie-aanbieder en -vervaardiger.
• 1982 – Jacques Freitag, Suid-Afrikaanse hoogspringatleet.
• 1983 – Wynand Olivier, Suid-Afrikaanse beroepsrugbyspeler en Springboksenter.

Sterftes

• 1727 – George I, koning van Groot-Brittanje (* 1660).
• 1867 – Jean Pierre Pellissier, Franse sendeling en stamvader van 'n bekende Afrikaanse familie (* 1808).
• 1941 – A.A.S. le Fleur, visioenêre Griekwa leier (* 1867).
• 1952 – Frank Brownlee, magistraat in die Transkei en volksverhaal skrywer (* 1876)
• 1991 – Cromwell Everson, Suid-Afrikaanse komponis en skrywer van die eerste Afrikaanse opera, Klutaimnestra (* 1925).
• 2001 – Timothy McVeigh, die Oklahoma Stad bomplanter, word tereggestel.
• 2012 – Christa Steyn, Afrikaanse sangeres (* 1958).
• 2020 – Mel Winkler, Amerikaanse akteur (* 1941).