Ruggiero Leoncavallo

in Wikipedia, die vrye ensiklopedie
Jump to navigation Jump to search
Ruggiero Leoncavallo

Ruggero Leoncavallo (1857-1919) was 'n Italiaanse operakomponis wat in Napels gebore is. Hy het aan die konservatorium in Napels studeer en 'n bestaan gemaak deur musiekonderrig te gee en konserte in kafees te hou.

Sy eerste operas het nie byval gevind nie, maar met I Pagliacci, 'n verismo-opera, gebaseer op 'n moordaanval wat werklik plaasgevind het, het Leoncavallo sy plek in die musiekgeskiedenis verower. Die eerste produksie in Milaan in 1892 was 'n oorweldigende sukses en is tot vandag toe een van die wêreld se gunsteling-operas.

Leoncavallo se operas La Bohème (1897) en Zazà (1900) het slegs tydelik byval gevind.

Dit het tradisie geword om I Pagliacci saam met Pietro Mascagni se Cavalleria Rusticana, ook 'n verismo-opera, op te voer.

Bronnelys[wysig | wysig bron]