SN 1572

in Wikipedia, die vrye ensiklopedie
Jump to navigation Jump to search
SN 1572
Die oorblyfsel van SN 1572, soos gesien deur die Chandra-X-straalsterrewag.
Die oorblyfsel van SN 1572, soos gesien deur die Chandra-X-straalsterrewag.
Soort supernova  Tipe Ia
Soort oorblyfsel  Newel
Sterrestelsel  Melkweg
Sterrebeeld  Kassiopeia
Waarnemingsdata (Epog J2000
Regte klimming  00h 25.3m
Deklinasie  +64° 09′
Gal. koördinate  G.120.1+1.4
Afstand (ligjaar Tussen 8 000 en 9 800
Ontdek  November 1572
Top-magnitude  -4
Eienskappe
Voorloperster  Onbekend
Voorlopertipe  Onbekend
Notas
Portaal  Portaalicoon   Sterrekunde

SN 1572 was 'n supernova (ontploffende ster) wat in die jaar 1572 gesien is. Dit is in die Kassiopeia-konstellasie waargeneem. SN 1572 word ook Tycho se ster of Tycho se supernova genoem, omdat Tycho Brahe dit bestudeer en beskryf het. Die supernova het in November 1572 verskyn en kon tot in 1574 gesien word. Dit was een van slegs 'n handvol supernovas wat sonder teleskope waargeneem is.

Die supernova is waarskynlik eerste deur Wolfgang Schuler op 6 November 1572 ongeveer 7°,7 noord van die ster α Cassiopeiae opgemerk.[1] Die Deense sterrekundige Tycho Brahe sien die "nuwe ster" op 11 November en merk dat dit helderder as al die andere sterre is, helderder as Sirius en selfs helderder as Jupiter. Die maksimum helderheid van die supernova was ongeveer dieselfde as vir Venus, met 'n magnitude van ongeveer -4. Dit kon vir twee weke lank in die dag met die blote oog gesien word.

Aan die einde van November begin die ster se helderheid afneem en verander die kleur daarvan van wit na oranje-rooi. Die helderheid het bestendig by afgeneem, maar was tot Maart 1574 met die blote oog sigbaar. In totaal is die ster vir sowat 16 maande gesien.

In 1573 skryf Brahe 'n boek, De Stella Nova, oor die "Nuwe Ster". Volgens akkurate waarnemings wat hy gemaak het was dit waarskynlik 'n tipe Ia-supernova gewees.[2]

Verwysings[wysig | wysig bron]

  1. Blast From The Past: Astronomers Resurrect 16th-Century Supernova ScienceDaily (4 Desember 2008)
  2. Krause, Oliver (2008). “Tycho Brahe's 1572 supernova as a standard type Ia as revealed by its light-echo spectrum”. Nature 456 (7222): 617–619. doi:10.1038/nature07608.

Eksterne skakels[wysig | wysig bron]

Koördinate: Sky map 00h 25m 21s, +64° 09′ 15″