SV Waldhof Mannheim is 'n Duitse sokkerklub uit die stad Mannheim in Baden-Württemberg. Waldhof is 'n stadswyk van Mannheim. Tydens die Derde Ryk het die klub in die Gauliga Baden gespeel en was redelik suksesvol. Die beste resultate is behaal in 1934 en 1940, toe die halfeindronde van die uitspeelwedstryde om die nasionale titel gehaal is (beide kere is daar teen FC Schalke 04 vasgeval.
In 1983 promoveer die klub na die Bundesliga en bly daar vir 7 seisoene. In 1998 en 2003 was daar samesprekings om saam te smelt met stadgenote VfR Mannheim, maar VfR het beide kere op die laaste oomblik kop uitgetrek.
