Geelstert
| Geelstert | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | S. lalandi
|
| Binomiale naam | |
| Seriola lalandi Cuvier en Valenciennes, 1833
| |
Die Geelstert (Seriola lalandi) is 'n vis wat voorkom aan die hele Suider-Afrikaanse kus vanaf Port Nolloth tot by die noorde van KwaZulu-Natal. Die vis kom ook voor by die St. Helena- en Tristan da Cunha-eilande. Die Latynse naam is ter ere van die Franse natuurkundige, Delalande, wat die Kaap in 1820 besoek het. Die vis moet nie verwar word met die geelbek nie.
Voorkoms
[wysig | wysig bron]
Die vis se kop en lyf is olyfgroen bokant die sylyn en silwerwit aan die onderkant. Daar is 'n geel of brons streep in die middel van die lyf en die vinne is geel. Die vis word tot 1,9 m lank en weeg dan 97 kg. Die onvolwasse visse het elf vertikale strepe oor die lyf.
Habitat en gewoontes
[wysig | wysig bron]Die vis bly in skole saam en kom voor aflandig tot op dieptes van 110m. Hulle vreet vis, tjokka en skaaldiere. Die geelstert is 'n gewilde eetvis en sportvis. Die vis leef vanaf Oktober dwarsdeur die Kaapse somer tot in Maart aan die suidkus en migreer dan agter die sardientjieloop aan.
Sien ook
[wysig | wysig bron]- Alfabetiese lys van visse
- Lys van Suider-Afrikaanse visse volgens wetenskaplike name
- Lys van visfamilies
Bronne
[wysig | wysig bron]- Ensiklopedie van Suidelike Afrika, Eric Rosenthal, 1967
- Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
- Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6
- Coastal Fishes of Southern Africa. Phil & Elaine Heemstra. 2004. ISBN 1-920033-01-7