Schweizer-Reneke

Schweizer-Reneke
Schweizer-Reneke
Koördinate: 27°11′0″S 25°30′0″O
Land	Suid-Afrika
Provinsie	Noordwes
Distriksmunisipaliteit	Dr. Ruth Segomotsi Mompati
Plaaslike Munisipaliteit	Mamusa
Tydsone	UTC+2 (SAST)

Schweizer-Reneke is 'n dorp in die provinsie Noordwes, Suid-Afrika.

Geskiedenis

Die dorp is in 1885 gestig op die plek van 'n inheemse nedersetting, Mamusa. Dit is vernoem na kaptein Schweizer en veldkornet Renecke, wat in 1885 tydens 'n ekspedisie teen die plaaslike stam om die lewe gebring is. Daar was gevegte in die omgewing tydens die Anglo-Boereoorlog, toe onder meer die NG kerkpastorie van ds. George Frederick Charles Faustmann, eerste leraar van die plaaslike gemeente, afgebrand is.

Distrik

Die distrik is 4 065 km² groot. Vandag is dit 'n boerderysentrum met mielies, sorghum, grondbone en sonneblomsaad wat van die belangrike produkte is wat verbou word. Die Wentzeldam in die Hartsrivier is net noord van die dorp.

Boorlinge

• Wynand Claassen, Springbokkaptein.

Sien ook

• Lys van dorpe in Suid-Afrika

Bron

• Rosenthal, Eric, Encyclopaedia of Southern Africa, Kaapstad en Johannesburg: Juta and Company Limited, 1978.